تاريخ الاضافة
الأحد، 18 مارس 2007 04:51:27 ص بواسطة محمد أسامة
0 2016
حرنكش
الحرنكش
*****
عليا الحرنكش يا ريس مبارك
في عصرك مزركش ملون بنارك
لابايعك وأبايع حكومة حمارك
ملعون أبو اللي يقاطع قرارك
نهاره مقندل وليله اللي بارك
فهمبك وهجص وطلع في ديننا
أكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللي جالنا
نسيمها في عصرك بيشوي في بدنا
أؤيد وأبايع فخامة جلالتك
وأيد أي واحد بيمسح ريالتك
ولأنك سر باتع هاننسى هبالتك
فأقعد ياريس ودلل حمامتك
حمامة السلام حمامتك حمامتك
سلامة الحمامة وسلامتك يا ريس
ياريس حمامة ياريس كويس
على تل مصر ياريتك تهيص
خرابة فسيحة عليها تتيس
وأأمر تطاع فشعبك مفيص
*****
أحمد فؤاد نجم
إسم الشاعرالبلدإسم القسمالمشاهدات
أحمد فؤاد نجممصر☆ شعراء العامية في العصر الحديث2016