تاريخ الاضافة
الإثنين، 2 يناير 2017 02:24:25 ص بواسطة محمد ابو يوسف
0 263
الصنم
ياللى إنت شارب مر عشتك للكيعان
ياللى إنت تابع للى بايع للجيران
إنت يا واد مخنوق ومش عارف تعيش
دايما مطاطى .. ياما قلت لك قوم وما تطاطيش
خلاص مبسوط ؟ أهى إتباعت تيران
مسخوطكم أهو ملعون ذليل تابع إيران
لساك يا واد بتهتف علو صوتك للزعيم
لساك وسخ ندل أجير .. لساك غشيم
إشرب بقى
إدخل يا شعب وخش جوا الشرنقه
إوعاك تفوق
إوعاك تحاول مره تجنح للشروق
ياللى إنت حابب كل مره تتغلب
سلمت روحك كل مره منقلب
كل العساكر يخدعوك
لجل حمايتك بيهينوك
ولو مش مصدق
إقرا التاريخ جوا الكتب
ياللى إنت مش عارف تكون أى حد
ياللى إنت عابد ع الدوام أى صنم
ياللى إنت واحد من قطيع إسمه الغنم
إوعى تفكر يوم تكون إنسان كريم
أو مره عقلك يخدعك وتقول كلام
أو مره تهتف بالخطأ ضد النظام
بص سوريا
بص ليبيا
بص اليمن
بص العراق
بص اللى باعوا ف يوم تيران
إوعى تفتكر إنك ف يوم إنسان
فهمت قصدى يا بجم
قوم بينا نسجد للصنم
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي263