تاريخ الاضافة
الثلاثاء، 3 يناير 2017 12:41:55 ص بواسطة محمد ابو يوسف
0 303
إوعى
بجد إوعى تقوم يا شعب
خليك مسلم دنيتك حتة شاويش
وبالمره سلم أخرتك
أهم حاجه إنك تعيش
يا شعب إنت عند حكامك مفيش
إنت أصلا ما تساويش
يا شعب إرضى بالدنيه ف كل حاجه
إدى أرضك ويا عرضك
هديه سهله للخواجه
يا شعب إوعى تقول كرامه
إوعى تطلب مره حقك
خليك تملى زينا
دايما مآثرين السلامه
إوعاك تقول دينى يضيع
إوعاك تجيب سيرة بديع
لازم تطالب الشاويش دايما يبيع
خليك مطاطى ..... خليك وضيع
خليك حمار
وافضل حمار
إوعاك تفكر ف اللى حاصل واللى صار
خليك مطيع
وما لكش دعوه م اللى بايع وأيه يبيع
إوعى تفكر لو للحظة
ف اللى مات جوا السجون
اللى مات جوا البيوت
اللى ميت ع الطريق
مالكش دعوه مين غريق
مالكش دعوه مين نصب أو مين سرق
مالكش دعوه أيه بيجرى ع الورق
عيش ياللا وارضى بالقليل
ولو قمت يوم مالقتش نيل
إحمد جنابنا إهتف لنا
وما تفتريش
لم نفسك ياض و عيش
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي303