تاريخ الاضافة
الأحد، 19 فبراير 2017 08:45:40 م بواسطة محمد ابو يوسف
0 250
شىء فظيع
شىء شنيع
إنك فى كل مره تنهزم وتقول بديع
إنك تفرط ف التراب وبعدين تغنى للوطن
وترمى البرىء وتقول عميل
وانت عمال تفرط أو تبيع
شىء فظيع
إنك تدمر لقتصاد
وتسيب كلابك دايره تقتل ف العباد
إنك تموت حلمنا
إن اللى حاصل ده يبقى آخرة صبرنا
إنت أيه ما تقول لنا
إنت شيطان الغوايه
ولا نزناز الخطايا
قولى كام يكفيك لجل تشفى غلك من دم الضحايا
سفهت دينا
سرقت يومنا من سنينا
شىء فظيع
يا رب أعيتنا الحيل
والأمة عاقر حتى ممنوعه الأمل
حكام بتقتل والشعوب دايما تطيع
شيء فظيع
لما تدور ف الزباله عن حبة لقم
لما المهندس والطبيب هو اللى راميينه بتهم
لما دم المسلمين هو اللى مسفوك ف الحرم
لما العظام جوا السجون ولما يتحكم جزم
شىء فظيع
لما الشعوب عايشين قطيع
لما يبقى للجناه حصن ومنيع
شىء فظيع
لما البصير إنهارده بيصيبوا العما
لما نغض الطرف عن هذى الدما
لما نجومنا تتسرق وهى فى حضن السما
شىء فظيع لما نطبل للجناه
لما نرضى يحكمنا الزناه
لما ما نهتمش بأنة أو بآه
شىء فظيع
لما القمر تجرى عيونه بالدموع
والشمس تطلع غصب عنها
والأرض أنت بالمظالم
والشعب عايش فى خضوع
شىء فظيع
يتسرق فكرك
يتسرق عمرك
يتسرق دينك
يتسرق قلبك
حتى مسروقه الحياه
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي250