إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
دا المسلمين كتير أصناف على أصناف
|
منهم شيوخ الدّين أشكال على ألوان
|
منهم حديد وجبال واقفين مع الإنصاف
|
مهما الزمان يندار ما يغيروش عنوان
|
بالسنه والقرآن ما شيين بدون إخلاف
|
في الشاشه مشتومين من كهنة الإعلان
|
وشيوخ عقولها تزين وقفت مع الأحلاف
|
خايفين عليها كتير من فتنة العصيان
|
لكن في وقت الحق قالوا بدون إجحاف
|
كل اللي يرضي الله بالحق والبرهان
|
دقت طبول الحرب في الشاشه بالإرجاف
|
ما تكفروش الغير خلوا الوطن يِتْصَان
|
مين اللي قال الغير ابن الوطن يتهان؟!!
|
هو اللي كفّرْ مين غير الرحيم رحمن
|
هو اللي بعث الرسل تقضي على الأوثان
|
وقال محمد خاتم ناسخ جميع الاديان
|
خاتم لكل الرسل وكتابه نور وبيان
|
عقيده ثابته يا ناس وغير كده كفران
|
وشيوخ بترقص كتير بتنافق الرّاهب
|
تفتي وتنتف ضمير في الوشّ والحاجب
|
تبحث تشمشم تجيب في الشّاذِّ والهارب
|
علشان مناصب تِضَلِّلْ وِتْزَيّنِ السّالب
|
وشيوخ غلابه تخاف من حاضرومن غايب
|
تسأل إله الكون الستر والنايب
|
وشيوخ لسانها طويل مسجونه في جماعه
|
هيَّ السند لكتاب واخدينه كبضاعه
|
اللي يوافق هواهم رافعينه في إذاعه
|
واللي يخالف دليت دا شيخ بسماعه
|
تشمت في سفك دماء شرعيه شماعه
|
تفرح في حرق الوطن جاهزين بولاعه
|
خليك بنهجِ الحسن متكنش نزّاعه
|
سبط الرسول اختار وعامه بجماعه
|
ومسلمين فاهمين دينهم ومنهجهم
|
عارفين أصول الدين وكتابُه أدّبْهُمْ
|
ومسلمين تانيين ماشيين على كيفهم
|
عايزين لدين الله تفسير يكيّفهم
|
ومسلمين تايهين شاردين مع نفوسهم
|
جاهل بشرع الله خايف لتخطفهم
|
فالمسألة أصناف واللي على كيفهم
|
هيرجعوا بخفين والشرع هيدوسهم
|