تاريخ الاضافة
الجمعة، 25 أغسطس 2017 04:34:38 ص بواسطة محمد ابو يوسف
0 218
حب الوطن
حب الوطن مش بالكلام
ولا ضحكة حلوه وابتسام
ولا حد مره يخدعك
ويقول بييجى بالعلام
حب الوطن ما يكون شعار
ولا رقعه عاليه عليها لون
ولا كام حكومه ومستشار
حب الوطن ف القلب كون
حب الوطن مش مجرمين
ياخدوا الوطن ويسجنوه
ياخدوا الولد من حضن ابوه
وينهبوه طول السنين
حب الوطن مش ميت مقال
ولا رسمه من أهرام ونيل
حب الوطن يعنى العيال
معناها مش مولود ذليل
حب الوطن مش يعنى جاه
ولا حبة رمل وطوب وماء
حب الوطن معناه صلاه
معناه إخلاص دين وفاء
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي218