عناوين ونصوص القصائد   أسماء الشعراء 
الشعراء الأعضاء .. عامِّي > السعودية > غازي بن عالي > دُرتي

السعودية

مشاهدة
860

إعجاب
3

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

دُرتي

ليت ياوضع المحبه لي تعين
من قبل يزداد شوقي وأستعر
صارلي مشتاق ي الحب الدفين
أكتبك في وسط قافي والشعر
دايمن .. أذكرك يلي تسرحين
وسط جوفي لك مكان ولك مقر
يعلم الله حالتي مثل السجين
من ورى القضبان .. ايامه دهر
مايشوف الشمس لو مره تحين
ملتحف ليل التعاسه والسهر
آه ياشوق .. الغلا مستوحدين
نرتشف من غيم ضحكتنا مطر
في حدودٍ .. كلنا به ساكنين ..!؟
من بيوت الطين لأغصان الشجر
اعترف ماعاد يغري ال ياسمين
و لاورود الريف وألوان الزهر
ولا البنفسج لاعزم ينوي يحين؟؟
في غروره لونه الممتع سحر
كل ذولي مصدر الطيب الخنين
وفوقهن حاكم تربع بالصدر
مايساون طعم ريق الشفتين ..!؟
من طوارف كاسك العاشق خمر
حلوتن مثل السماء صافي جبين
وصف وجهك كنها طلة قمر
ياقوامٍ ممشقه يلعب يمين ..!؟
إيتمهيف شوق وأشواقي جمر
ماكنن حبك ب جوفي ي الحنين ..!؟
مايجي مثلك في عيني بشر
ويش أوصف لاذكرت الضحكتين
من حياء الروح في ذاتك طهر
ألعبي فيني جنون .. العاشقين
كل مافيني حياتي يزدهر
إحضنيني ي الغلا لو تسمحين؟؟
شوقي المجنون قد ملْ الصبر
بالوصايف ودي إنك تسمعين؟؟
واعشقيني لا تخلد هالشطر
واعذريني دُرتي وصفك دفين
غِيرةٍ .. تِشهر سيوفه بالنظر!
كونك انتي غاليه مالك وزين
أعشقك عشق الطنايا للسطر
وأعشقك عشق الأمل للكادحين
في بلوغ القمه العِليا شهر
وأعشقك عشقٍ حبيبي لك يحين
مُنتهى الرِقه،، ليا بان الثغر
وأعشقك حبٍ سما في كلمتين
من عقب ماهو ب جوفي مندثر
وأعشقك عشق الفقر للقانعين
في حياتن كلها فرحة عمر
شوفي قافي منبعه علم اليقين
يغرف الاحساس من وسط البحر
ياعظيمة في عيووووني تشبهين
وبل .. هتانٍ تناثر وإزدهر
وأنعش أرضٍ حالها عقبك حزين
من عقب غرسك تناما لك بذر
لين ينبت حلم ضمتنا حنين
واحظنك صدقٍ تحقق ب الصبر
هاتي ازهورك غلا ي الياسمين
وشكلي لي باقة أنفاسك زهر
ليت منهو لام حب العاشقين
ينحرم منّه على طول الدهر
غازي بن عالي
التعديل بواسطة: غازي بن عالي
الإضافة: الأربعاء 2017/10/25 08:23:24 مساءً
التعديل: الخميس 2023/10/26 12:44:19 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com