يقول الشاعر رشيد الزلامي رحمه الله: |
ياللى تقول السماء وشلون ماتمطر | |
|
| حنا نقول القيامه ليش ماقامت |
|
تشوف لك شي واللى ماتشوف اكثر | |
|
| سبحان من لا غفت عينه ولا نامت |
|
أما ارفع الأمر للى يkكر المنكر | |
|
| ولا اترك السالفه لا يفرح الشامت |
|
لاتسبر الناس يابن الناس لاتسبر | |
|
| أبليس موجود لن صلت ولن صامت |
|
أنته تلوم الزمان وحظك حظك الاقشر | |
|
| ودنياك لوّ اضحكت لك يوم ما دامت |
|
أوصيك بالصبر وانا ماقدرت اصبر | |
|
| من كثر ماشوف كبدي بالزعل حامت |
|
ازبن ولاة الامر وان كان ماتقدر | |
|
| أن طعتني خلّ جوالك على الصامت |
|
مجاراة قصيدة الشاعر رشيد الزلامي رحمه الله: |
قال الزلامي كلامٍ صادق معبر | |
|
| دنيا تقلب وياكم مالبشر ضامت |
|
كثير بالناس من يظلم ومن يفجر | |
|
| يلبس عباة التقي والعابد السامت |
|
يكفر ويجحد ولا يرضى ولا يشكر | |
|
| نفسه عن الغي لا تابت ولا لامت |
|
يطغى ويفتك بحدّ السيف والخنجر | |
|
| ويهيم كنّه بهيمه بالخلا هامت |
|
ذنوب مثل الجبال وربنا يستر | |
|
| لو كان تلقى على شمس الفضاءغامت |
|
الخلق تذنب وياكم ربنا يغفر | |
|
| والناس مثل السمك في غيها عامت |
|
بعض المواقف تجيب الضغط والسكر | |
|
| ويضيق صدر الحليم ويفرح الشامت |
|
يالله يامن لعظم المنكسر تجبر | |
|
| تهدي نفوسٍ على شري الهوى سامت |
|
والعبرة اذا وقفنا ساعة المحشر | |
|
| يبين في حينها الناطق من الصامت |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
