تاريخ الاضافةتاريخ التعديل
الأربعاء، 26 ديسمبر 2018 11:45:00 م بواسطة محمد ابو يوسفالجمعة، 28 ديسمبر 2018 04:05:23 م
0 160
عدت سنه
عدت سنه
أهل الهنا أهل الهنا
واهل الشقا عايشين هنا
عدت سنه
ولسه الشوارع هيا هيا
لساها برضو مستكينه ومش عفيه
لسه العتاه هم العتاه
لسه الزناه هم الزناه
لسه الغلابه ف الهوان والمسكنه
عدت سنه
وأيه يعنى بتمر السنين
كل الخلايق ف البلاد متسلطنين
أرضهم ... أرضهم
كل اللى فيها ملكهم
أما احنا
فأرضنا مش أرضنا
هى طبعا أرضهم
كل بلادنا ملكهم
حتى السما غير السما
ليهم سما مش زينا
ليهم بيوت تشبه لهم
ولينا بيوت تشبه لنا
وعدت سنه
ياللى انتو لسه مننا
فوقوا بقى
قوموا بقى
الثوره بره الشرنقه
ثوروا بقى مهما الشقى
مهما الشموس حول الرقاب كات مشنقه
يا كل حر اصرخ بقى
امسك خيوط الضو لحسن تختفى
إلحق سنا
وإلا هتعدى السنين
من غير جديد
والحكم صاير بالحديد
والضحية هيا وهو. وانت . ونا
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي160