تاريخ الاضافةتاريخ التعديل
الأحد، 28 أبريل 2019 07:22:17 م بواسطة محمد ابو يوسفالأربعاء، 19 يونيو 2019 02:28:18 م
0 108
سهله جدا
كل حر وليه شبيه
وكل عبد ذله ليه
ودود المش منه فيه
ياللى عايشين كالقطيع
....................................
ياللى عايشين ميتين
جوه دايرة ماء وطين
والغلابه مقهورين
والديابه شىء فظيع
............................
الديابه دايره تنهش
والغلابه تجوع وتعطش
والحكومه بس تهبش
وتدى للسامى الرفيع
.................................
الأوطان بارت غيطانها
والبدور مخسوف زمانها
والشعوب مقروص ودانها
والشباب مقتول صريع
..................................
لو هتعمل الف ثوره
أو هتحلم يوم لبكره
هيخلوك للخلق عبره
والإعلام عنك يذيع
...............................
لو عايزها ثوره تنجح
سيب كلابهم مهما تنبح
واوعى يوم للظلم تسمح
وانتظر عون البديع
.................................
الحكاية سهله جدا
والقيامه قايمه فعلا
ولما صوت الفجر يدن
يبقى جه نصر السميع
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي108
لاتوجد تعليقات