 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| اللى مات مات واندفن، |
| والحكومة الله يكافئها سدّدت حق الكفن |
| والمصابين ع السراير مرتاحين، |
| والملايات النضيفة، |
والكبرتات الجديدة بتتفرش
|
لجل تبقى الصورة حلوة ع الشاشات |
| كل لحظة نشوف وزير بيقول خلاص الأمن أصبح مستتب، |
| واتنظح دم الضحايا م البرك، |
| والنشاط الوقت عادى فى السكك |
| كام وزير الله يعينهم قدّمولنا احصائية عبقرية باللى ماتوا، |
| واللى لسة، |
| وبفصايل دم كل المتصابين، |
| وبعدد كل اللى شافوا الحادثة من فوق السطوح |
| كام وزير الله يعينهم |
| كل حبّة يغيّروا فى الإحصائية |
| مرة حذف وألف مرة بالإضافة |
| والتضامن لاجتماعى حددت كام ألف لولاد القتيل، |
| والمصاب رح يتعفى من دفع حق القطن والشاش والفتيل |
| والمواصلات قالت ان الأمر عادى وكل واحد له قدر |
| واحنا عوّدنا المواطن ع الخطر |
| من حريق قطر الصعيد، |
| وكفر دوارنا السعيد، |
| للى جاى لسة ف سوهاج أو فى السويس أو بورسعيد |
| الأمور عادية جدا والحكاية باختصار: |
| ان القطار |
| كان شقى وطول عمره بيحب الهزار |
| بصّ شاف فيه قطر سادد سكته، |
| قام بحسن النية ناطط من وراه فوقه ووثب، |
| والرئيس عمّال يتابع عن كثب، |
| والجميع عايزين يشوفوا النطّة هاتخلّف ضحايا أدّ ايه |
| يا جماعة الأمر محزن، |
| والسؤال: |
| هى روح المصرى آخر حاجة نهتم بها ليه |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
