تاريخ الاضافة
الإثنين، 26 مارس 2007 06:38:52 ص بواسطة محمد أسامة
0 803
وكان ياما كان
(مفتتح )
انا عاشق
رنين الحرف
لما يدق
ع الوجدان
وسرى حقيقه ملهوفه
على الانسان
وكان يا ما كان
عروستى ..
غنوه مشتاقه
ونايي ..
ف البكا غرقان
*****
وكان يا مكان يا حدوته
بتتحسر على اللى كان
مابين ساقيه وبين توته
تقاوى حلمنا الطفشان
بتتهجى حروف الارض ..
مش حاسه
كـآبة حضنها السقعان
وكان ياما كان
دا كان زارع ..
غيطان العلم
وموزع..
طقات النور
صبح غرقان
ف شبر الجهل
مش عاوزه
كرامته تثور
ودااااااايبه
ف المرار دوبان
وكان يا ما كان
لاعنت مكان
ولا عدناش اماكن فيك
ولا عادت
مصاصة عقلنا بتُطرف
عيون اعاديك
ابوس رجليك
وبْـرنا م الحمول..
منحول
وايامنا
بتاكل من همومنا اكل
وتشرب
من دموع الناس
وآه ....
يا فجرنا الحزنان
على كُنا
وكان يا ما كان
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث803