تاريخ الاضافة
الإثنين، 26 مارس 2007 07:35:16 ص بواسطة محمد أسامة
0 754
خليك
لملمت حروف اللهفه وراجع لجل تحب الناس
خليك
اوعاك تخاصمنى الله يخليك
اياك ..
تحرمنى ضياك
ترمينى ف سجنك بأديك
تختار تهزمنى بدمع عنيك
خلينى اشوفك ..
وامسح خوفك ع النينين
تنعكس الصوره ف لمعة دمعه ف عينى واخاف
يحضنك الجفن ويقفل بابه بسرعه عليك
ويضمك بحنان ام بتحلم ديما تفرح بيك
والاقيك
وقتن ما يتوه الصدق تْغِير
وتعيش انسان
مش حابب إنك تبقى ملاك
وف وقت الشده تموت عطشان
خليك إنسان
صفحاتك شايله تاريخ العمر الجاى
من غير تزوير
وتسامح وخز الوجع الساكن فّيا وفيك
وتصوغ من تانى وتانى وتانى
اضواء لياليك
جرب..
متخافشى من المحاذير
أبتكر الفرح وعيش جواه
وامسح من قلب الشكوى الآه
هتلاقى حياتك يوم ما تمّوت
بتقيد الشمع لكل حياه
بتقيد الشمع لكل حياه
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث754