إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
عاش العمر وحيد متغرب |
بين احلامه وطيف امانيه |
نفسه ساعات الفرحه تقرب |
تحضن قلبه تبان ف عنيه |
كات دقات القلب تفاجئه |
يهرب منها وتجرى عليه |
وف يوم قابل بسمة عمره |
سلم امره ومد ايديه |
ورده جميله |
نفس الطبع ونفس العيله |
يوم ورا يوم عماله تفتْح |
وعبيرها يسكن وجدانه |
واحمد بيها سعيد فرحان |
حاسس قلبه انها عنوانه |
لمّا بيفكر فيها ويحلم |
يترجرج فكره وكيانه |
يضرب مليون لخمه ياعينى |
لما ف يوم بتبان قدامه |
اصله تملى بيخفى مشاعره |
رغم انها جنة احلامه |
وف يوم حس انها وف لحظه |
ممكن منه البسمه تروح |
كسر صمته وقال مش ممكن |
والله يا روح ماهى بعدك روح |
انا مش ممكن اسكت ابدا |
قال للحاجه كدا فى الحال |
كلمى خالتى بسرعه اومال |
دى بسمتى ولابد ابوح |
وبعد ما تم الأمر ما بينهم |
وبسمه ما كانت تعرف شىء |
لحد ما خلصت الثانويه |
كان اعلان رسمى وجرىء |
كل الدنيا أهى عرفت طبعا |
والافراح رسمت ف عيلتهم.. |
احلى طريق |
روح يا زمان وتعالى وروح |
فرّح نبض قلوبنا العاشقه |
للاحلام وصفاء الروح |