عناوين ونصوص القصائد   أسماء الشعراء 
شعراء العامية في العصر الحديث > مصر > محمد سعيد > صفحات العمر

مصر

مشاهدة
1098

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

صفحات العمر

صفحات العمر
ويا فرحة وطارحة الحب ف كل مكان
ليه ناسيانا وليه فيتانا للأحزان
صفحات العمر البيضة هتحكى للأيام حكايات
من غير ماتلومك ولاّ تعاتبك
ولا هتنادى ف مرة عليكى
او تركع وتبوس رجليكى
صفحات العمر البيضة الشاردة ف قلب كتاب
وسحاب بيمر يغيّر لونها
يهز كيانها
يموّت فيها طعم ومعنى وشكل ولون
وتكون
اشلاء....اطلال
او فرع بفعل الريح يصبح رحّال
ولا عارف رايح فين...... رحّال
ولا عارف جاى منين......رحّال
واهى كلمة خفيفة وسهلة
وف أى مكان تنقال
لو واحد تاه فى الغربة
أو ضل الناس والصحبة
أو حتى سفينة وسايرة ف قلب محيط
أو واحد سابح وحده ف بحر غويط
*****
وبرغم الرحلة الصعبة
صفحات العمر البيضة مسافرة
من غير متقولك عدى عليها او ضميها
أو تطلب منك كلمة
أو حتى مجرد بسمه
صفحات العمر خلاص
مش محتاجة لونّاس
****
وانت يا حزن يا ساكن
يا معتّم فى القلب ضياه
لسة بتنطق كلمة لكن..!
آه من كلمة لكن آه
لكن ايه؟ وازاى هقبلها
وانت مليت الصفحه بحالها
اسمع منى كلمه هقولها
اوعى تفكر ان مكانك هنا هيدوم
او انى معجب بجنابك
راحل راحل من صفحاتى دا شىء محتوم
عارف ....عارف ايه اسبابك
******
**
محمد سعيد
بواسطة: محمد أسامة
التعديل بواسطة: محمد أسامة
الإضافة: الاثنين 2007/03/26 12:09:16 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com