تاريخ الاضافة
الإثنين، 26 مارس 2007 09:28:20 م بواسطة محمد أسامة
0 743
حكايا الليل
سهران مع المواويل
احكى حكايا الليل
وليه يا لحظة صدق
فاردا شراع الرحيل
***
باحث ف قلب الكون عن طوق للنجاه
مع اى قلب حنون ارسم مصيرى معاه
يحبنى بجنون و أدوب ف لحظة لـُقاه
***
ولفين يا عمر الامانى نروح
شايلين معاك الحلم
والحلم صار مجروح
وليه يا كلمة امل
صوِتك ضعيف مبحوح
***
عينى عليك يا زمن بيلفنا شالك
غامق بلون غربتى دايب كما حالك
حابب اوى صرختى
يا غريب باحوالك
***
بين حيره مع اشجان
اسهر كمان وكمان
انعى زمان الحب
يبكى الضمير والقلب
والدمع صار بركان
رافض يعيش مكبوت
رافض يعيش حيران
***
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث743