عناوين ونصوص القصائد   أسماء الشعراء 
شعراء العامية في العصر الحديث > العراق > مظفر النواب > زرا زير البراري

العراق

مشاهدة
1678

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

زرا زير البراري

حن وأنا حن
وانحبس ونة ونمتحن
مرخوص بس كت الدمع
شرط الدمع حد الجفن
جفنك جنح فراشة غض
واحجاره جفني و ما غمض
يالتمشي بيا للنبض
روحي على روحك تنسحن
حن بويه حن
حن عمي حن ...
عيونك زرازير البراري
بكل فرحها بكل نشاطها
جناحها بعالي السحر
والروح مني
ما وصل ليها الندى
ولا جاسها بقطرة المطر
وصفولي عنك يالنباعي تفيض
وتعليت ليلة ويا القمر
وصفولي عنك كل مسامة تفيض منك عطر
يالحسنك نهر..
تنزل بصدري ويا النفس
وبدمي غصبن تنعجن
وأشهق و اصعدك للسما
بحسرات و بعنة حزن
حن.. حن بوي حن
***
شفافك ولا كولن ورد .....
عنابه معكودة عكد
تمتلي بكد ما تنمرد
لا هي دفو ولا هي برد
أنا بوصفها راح اجن
حن بوي حن
***
سكتاتك تشكل خواطر بالقلب ...
مالي عرف بيهم كبل
مبروم برم الخياط يا ريان
والخوصر خصر لف العقل
كل كلمة منك ...
نبعة البردين .. بالدلال ...
ما تحمل ثكل
وصفولي عنك
وردة من قداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حنو طواريز ولحن ...
وحنة حمامات السجن
حنة إلي ...
وحنة إلك ...
واللي يعجبه خلي يحن
حن بويه حن
***
آنه من أشوفك
يمتلي الماضي الجدب
زهرات بيض من الوفه
وروحي سواجي من الحنين تصير
وأتنبه وكت بيها غفه
يا محجل إن مريت بيه ردود
أرد أردود بالعشرين ....
من عمر الجفه
وأنصف عمر منك
فما أنصفت إلا بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك دوم يحن
حن ...
وآنه حن
وأنحبس ونه ...
ونمتحن
مجبور أرخصك على الدمع
شرط الدمع حد الجفن
مظفر النواب
بواسطة
المشرف العام
الإضافة: الثلاثاء 2007/03/27 11:46:23 صباحاً
التعديل: الأحد 2023/06/18 10:42:20 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com