إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
أَظن، يا ملهمانى الفن و الأَشعار . |
وقلبى: بلاّصك، اللى بتطلعى به الفجر ... |
من بعد اذنك، بلاش النوبه م الترعة، |
امليه لى من عند ابو البالطو النضيف لا بيض، |
وقولى له، يا زينة الجدعان، صباح الخير ... |
حلال عليك المدارس، و الأَدب، و العلم، |
حلال عليك غلب أَهلك فيك، عشان تكبر، |
وتبقى عالم، حكيم، تشفى البلد م الداء ... |
وتقول: يا بلهارسة، يا هارسة القلوب، روحى، |
وتعالوا يا فلاحين، خدوا بعض بالأَحضان |
الفلاحين صفر، لكن صلبهم جامد، |
شالوا الجبال، قلقوها، و هم لسه صفر، |
اشحال بقى، لما يجرى الدم فى خدودهم، |
بدال ما يجرى مع الروح نفسها فى البول . |
وقولى له: يا زينة الجدعان، براوه عليك |
ندرن علينا، نهار ما بالسلامه نقوم، |
لنعلموه عيد، و ترقص فيه أَمواتنا ...! |
أَجدادنا من عهد فرعون! ... كلهم نادرين، |
م الموت يقوموا، و يبحوا، ينقّطعوا الزفة! |
يا سلام يا دكتور ... ده يوم زى الجلاء ذاته . |