عناوين ونصوص القصائد   أسماء الشعراء 
شعراء العامية في العصر الحديث > مصر > السيد عقل > رمضان والناس

مصر

مشاهدة
824

إعجاب
2

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

رمضان والناس

إشمعنى ياخواتى ف رمضان التقوى تبان
والعطف يكتر والإحسان ع الشحاتين وعلى الفقرا
وتلاقى واحد عمره ماصام ف الجامع نام
قال إيه ويسأل ع الأيتام ويبقى م الناس الأمرا
ويجيب له قفطان وطاقيه تيل مكويه
ويبقى قال م الأوليا وشيخ ويقرب للطاهره
وتشوف سبح ف إيدين ودقون قد العرجون
وصاحبها عمره ماخش صالون ولادقنه شال منها شعره
أقول صحيح أهو ده الإسلام مش أى كلام
مافيش لازور ولا أكل حرام وحنبقى عشره على عشره
وبعد مايفوت شهر الصوم بس بكام يوم
على طول الاقى ياعيب الشوم أحوال ما كنش أصول تجرا
أبو دقن شال دقنه بسرعه زى الولعه
وبعد راسه مكان قرعه عمل لى خنفس من بره
وأبو سبحه راح ف البيت شالها وخلا بدالها
مجلة الشبكة وغيرها علشان مايتسلى ويقرا
والتانى برضه أبو زبيبه حاجة عجيبة
لما ألتقيه عاد للخيبه بزعل وتمسكنى الحسره
وأبو عمه اللى عاملك شيخ من كفر الشيخ
جابمطلع الفجر وصواريخ تودى على سجن الحضره
وأبو قلب كان طيب صالح بقى مش فالح
وراح على البحر المالح ومنه على كازينو الشجره
أول مابنشوف رمضان راح نعمل أفراح
ونقول خلاص الهلس مباح بقى ده عمل ناس معتبره
رمضان ساعاته جميله أكيد وظريف وسعيد
ويروح ويحضر بعده العيد ويجينا بالفرحة الكبري
والناس تفرفش فيه وتزيط أما الزراغيط
فى كل بيت ترقع يابخيت والخلق بتكون ف مسره
وليه مانبقاش كده على طول ف نعيم موصول
ونحب بعض الشدة تزول ف الحال .. بعون رب القدره
ونقدر إنا احنا ف رمضان ونكون اخوان
بالحال ومش حنشوف غلبان ولاحد بائس بالمره
وبلاش مظاهر كدابه وإحنا غلابه
وبالصلاح توصل .. يابا والنية موجوده وخضره
السيد عقل
بواسطة: صابر فرج
التعديل بواسطة: صابر فرج
الإضافة: الأحد 2007/04/22 03:04:48 مساءً
إعجاب
مفضلة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com