تاريخ الاضافة
الإثنين، 23 أبريل 2007 01:16:15 ص بواسطة د. فوزى أبودنيا
0 965
فارس عربى
فارس عربى
وقف عنتر
يودع عبلة باشواقه
يعز عليه
ليالى البعد وفراقه
يقول ياعبلة هتغرب
كده كام شهر
تقول ياعنترا تجينى
وجايب المهر
غيابك دا على عينى
مرارة وقهر
هيفضل قلبى يستناك
وروحى هتبقى ساكنة معاك
فى كل خطوة راح ترعاك
**************
وراح عنتر يبيع العمر
يجيب لعبلة النياق
الحمر
وعبلة كانت ادتله
قلبها وياه
وشارة فوق كتفه
عشان ترعاه
وقعدت عبلة تستنى
رجوع الفارس المغوار
وشايل مهرها ف ايده
امل نوار
خيوط الفجريبدرها
ف باب الدار
وبترحة مطرزه عربى
عليها الحلم والاسرار
وفارسها على حصانه
راجع يجرى
وقبل المدة ماتخلص
رجع بدرى
يمد ايديه ياخدها جوه
احضانه
وجوه عنيه
ويخطفها على حصانه
*************
ومر كتير من العمر
بتستنا
وعاد عنتر
شايل سيفه لكن
مكسور
راجع ماشى على
رجليه
وكان مقهور
وكان باين على وشه
علامات طيف
وكان مرعوب
وكان خايف
ماتعرف ليه
وقامت عبلة تستفسر
من الى جايلها مكسر
حصانك فين؟
واية الى كسر سيفك؟
وفين شارتى
الى كات وياك..!
بنبرة حزن رد وقالها
. .... استنى
بلاش تبعدى عنى
تعالى وشيلى عن كتفى
تراب همى
وكان الرد كا السكين
وصوتها راب فى زرد الطين
وهو الهم كان راكبة
واقف مسكين
لاحوله ليه ولا قوة
وراح واقع
تمد ايديها على جسده
وكان ساقع
راحت تلطم على خدودها
ورود الخد اوراقها
شمال يمين
بتتبعتر ف كل مكان
واه يازمان
على الاحزان
*************
وناس بتقول على عنتر
فارس ماعدش يتقدر
مالوش كلمة
مالهش وجود
مع الكسرة وكان موعود
بيمضى عقود
يبيع فيها الى خلاها
فيوم عاشقاه
يبيع عمره يبيع امله
وجميع ما معاه
ويمشى فى البلاد شايل
هموم بلواه
بيشكى كسرته لمولاه
وبعد ماضاعت الهيبه
شايل خيبته ف بلاد الله
لخلق الله .. يقول لله
***************
وعبلة قامت اندارت
ودارت وشها وقالت
مانش عايزاه
ماهوش دا الفارس
اللى احلم به وارضابه
يقف مكسور ف
وسط اهله واصحابه
ولو غاب عنى يرجعلى
ويلقانى
بشوقى قاعده بستناه
ورشه الفل
على عتابه
زعل عنتر وقام مقهور
وكات الدنيا اودامه
ازاز مكسور
ومش لاقى فوسط الضلمة
ندعة نور
وقام عنتر مشى تانى
بلاد الله لخلق الله
وساب صبية موجوعة بتستناه
ماحد يدرى مابيها ...
ياولداه
خدو عبلة وحبسوها
وفضلو يرددو ليها
دا عنتر مات
وماعدش باقى من حاله
غير اشعاره
وكام كلمة مع شيبوب
سايبها حداه
شايلها معاه
وتصرخ عبلة ياعنتر
فايتلى السر فى كلمات
محدش يجى ويقولى
دا عنتر مات
زمانه لسه جاى وياه
باعت يقولى استناه
ولو اقدر هلف معاه
نجيب الفجر من متواه
ديابة ف سكته حايشاه
يمين الله
وانا ف اسرى لاهستناه
*************
ياعنتر قلبى مستنيك
هيبدر حب فى لياليك
ويكون فى ضلمتك نورك
ياعنتر حوشنى م الغابة
ضباع تنهشنى وديابة
ودنيا ف قولها كدابه
يمبن الله لاقضى العمر بستناك
وابيع العمر ياعنتر عشان م الئاك
يمين الله لابيع ف البلاد عمرى
وانطر شعرى على ضهرى
ومايلمهلى غير انت
واقولك شوفه من امت
وهو مشتاق اليك انت
لحضن ايديك تلمه انت
والف الدنيا على رجلى
واحطك بين طيا صدرى
فيوم مالئاك
ونكتب عمرنا حكاية
بالف رواية ورواية
يغنيها……..
شاعر جوال بربابة
ويوم ماتعب
هقول عنتر ومش هقول فيوم يابا
*************
ماشى عنتر
وشايل بلوته وياه
ورغم الحمل وهمومه
مقالش اه
ورغم وعورة المشوار مع طوله
محدش الحزن من اودامه.....
ولا فقوله
بلاد تشيله
وتحطه بلاد تانين
واهو ماشى
وع الحال دا بقاله سنين
وشابت عبلة ف
سجنها خرجوها
وقالو ارموها
وسط الناس وضلوها
ومشيت عبلة تتوكز
على العصيان
تمد ايديها يلكوزها
خسيس وجبان
تتلم الدنيا حواليها
وهيا بعزم مافيها
تقول كان فيه
فارس مغوار
هياخد ايدى
ونكمل سوى المشوار
ودلواقتى لانا شايفاه
ولا سمعاه
وبستناه
ياخلق الله
فارس عربى
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي965
لاتوجد تعليقات