تاريخ الاضافة
الإثنين، 23 أبريل 2007 01:22:44 ص بواسطة د. فوزى أبودنيا
0 975
التوهـ
تاهت خطاوى سكتى
وبتنفرط منى السنين
كما ينفرط :
عقد الصبيه ف صدرها
ومكتوب عليا امد ايديا والمها
لكن السنين مابيرحموك
والسكة ضلمه مبدوره شوك
حافى القدم:
مطلوب شوكها ما يجرحك
لما تخطى ف مطرحك
تايه ف عينى شكلها
ولا فيه موده تضمها
ايدي خيط بمدها
لجل مالملم حبها
وف خرم ابرة بالضمه
ومكتوب عليا امشى الطريق
واوصل لوحدى منتهاه
والسكة ضلمة ف وحدتى
احساس غريب انا ف الحياه
كل اما امد خطوتى
طريقى يدوبنى ف بكاه
وهبته حبه قلبى يمكن:
اوصل معاه لمنتهاه
او ان يوم انول رضاه
ياخطوتى:
ع الشوك خدينى لمطرحى
طال الطريق بيا لم عرفتى تروحى
والاهه فيا زرعت
طرحت ضلام وفرعت
واتوجعت
فيا الاماكن كلها
ابدر بذور الصبر ع المدى
تطرح بذورى حنضله
ياهل ترى
واخدانى ياتوهه لحد فين
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي975
لاتوجد تعليقات