تاريخ الاضافة
الإثنين، 23 أبريل 2007 01:26:47 ص بواسطة د. فوزى أبودنيا
0 983
بستناه
ولسه الورد ع الشباك وحطاهلك
ولسه الورد ع الشباك بيندهلك
ولسه القلب وهو وياك بيشتاقلك
ولسه الدمعه ف عيونى بتترجاك
ولسه النبضه فى قلبى بتحكى هواك
ولسه الروح بتحضن فيك وانا وياك
ولسه الكلمه ف لسانى تقول عشقاك
ولسه البسمه فى شفايفى
ولسه الاه
وحب كتير انا شايلاه
اقولك ايه وانا شايله على الشفه كلام خفه
ومستنيه ع الماذون وع الزفه
دموع الفرح بعتالك تعالى اوام
بفرح القلب بستنا تلات ايام
تعالى وهات بقى الاحلام
عيون قلبى بتسالنى دا لسه مجاش
اقول يارب يرجعلى ولا ينساش
ولسه وانا فى حلمى
لقيت الفرحة مقهوره بتقهرنى
بتسكن جوه ف عيونى وتقتلنى
وناس بتقولى مش راجع
دا راح بلاد محدش راحها وبيرجع
حبيبك مات
وضاع صوتى مع الصرخات
وانا قاعده وبستناه
وجوه عيونى فيه دمعه
ولسه برضه بستناه
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي983
لاتوجد تعليقات