إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
فى ساعة ليلنا |
ما تشقه |
خيوط الفجر وتكبر |
يحس العزم بيزقه |
يصلى الصبح ويشمر |
عشان ينفض تراب نومه |
ويستقبل حساب يومه |
كما الوارد على الجنة |
ما هو احنا شطنا فردوس |
لا يوم كسل ولااستنى |
قدام تمشى منين ما يدوس |
وتحت الباط |
رغيف ناشف وهدماية |
وعود ملقاط |
بتغزلبه الادين آيه |
وحتة حبل طول قامه |
يجر جربه ف حبال ياما |
نسيم البحر بينسيه |
سفر ليلة |
تحس الشط |
م الخطوة ينادىله |
ولما بيوصل والميه |
يلاغيها وتحكيله |
ولو يطلب ضنى عينها |
بكل الحب تديله |
يقوم فارد جناحاته |
ويتناسى ملزاته |
تحس الطلق ف حزامه |
يشدبحبله أحلامة |
ولحظة ما النجوم تنعس |
وييجى الصبح يتدلع |
يشق رغيفه ةيغمس |
صفار الشمس ويبلع |
وفوق الرملة يتمرمغ |
يطقطق عمره يتدغدغ |
ما بيكلش ولا يونش |
وياخد هبد ما يإنش |
خدود الورد لو تمرض |
تشوف خده ندى فلة |
فى عز الحر لو فرهض |
ما بيقربش ع الضله |
ما فيش تجعيده فوق خده |
وف النخوه ما فيش قده |
وطرف لسانه فوقه كلام |
مابيتقالشى بدون لازمة |
ولا مؤاخذة مالوش جزمة |
فى ساعتن يقصد الميه |
ولما تحب تتفرج على شطه |
تشوف أقدام.. |
قدم غايره ..قدم ظاهرة |
أهى الغايره بقى اقدامه |
تطف الموجه جواها |
تقوم تسكن وتلقاها |
بتتشعلق ف سكنتها |
ولا ترجعش مجراها |
ومهما تمر ع الاقدام.. تلاقيهم |
نموت احنا |
وما فيش حاجة بتمحيهم |
ولما العمر بيطول |
ويلقى الدفة بتحول نواحينا |
ما يزعلش.. |
لكنه يفوت يوصينا |
أبونا وأصله أيوبنا |
صغار ف السن توبنا |
ما شافش الكعبه صلالها |
عرينة الشط سلمنا |
وذى البط عومنا |
فى أول سرحه فهمنا |
وعاش مجهول |
ومات مجهول |
ولكنه ف يومها لملمنا |
سألنا الحب علمنا؟ |
ماحدش رد.. |
بلمنا. |