تاريخ الاضافة
الأربعاء، 25 أبريل 2007 09:41:53 ص بواسطة د. فوزى أبودنيا
0 1036
قلب مقتول
اللص نايم ف الدرة
والديب بيحرس ف الغنم
واحنا اتخرس فينا اللسان
ولاعدش فينا ولد همام
عنتر سحب سيفه وجرى
وابو زيد ركب قطر البنات
والامنيات
ومعدش حد الا وسلم بالسكات
لما الولد اصبح حطام
البنت سحبت قلبها
وريح ودها من قلب شاله
وسابت دموعه لوحدها
............ تواسيه ف حاله
وراحت تبيع قلبها مع اهلها
................... لحد غيره
واتمخترت بنت الاصول
على توب عفاف اصبح نجس
ولاعدشى تانى يتلبس
ياجلد وشى يامسلوخ م الخجل
فضلى ايه ابكى عليه
وانت اللى مرمى فوق حصون متكسرة
يامغربية ياللى جاية تفرشى
ف قلب ليل مابيختشى
وطفيتى شمعة النور للنهار
للمجروحين رفضا الدوا
ع المكسورين عاملة حصار
واما اشتكى قلبى المرار
من حلم مزنوق لم قدر يوم على الفرار
سحبتى منه الحلم
قام ضخ الالم
يسرى ف جسدى الف ليل من غير نهار
اركن بقلبى ع الحيطان
لم تحتمل
ينهد فوق راسنا الجدار
يامحنيين وش الليالى بالضلام
زفيتو فرحه قلبنا ليه ع العدم
جوازة تمت ع الورق
والكل قبلو يشهدو
ويوقعو
فوق القسيمة المجرمة
اللى بتفسد فى جميل الازمنة
مابين سكات وهمهمة
ضاع الولد
وسط البلد
صوت الحقيقة ليه انخمد
ومفيش عَنَد
غير قلبى هو اللى صمد
وقام رفض
وكان جزاته يترمى
مقتول ولم فيه الرمق
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي1036
لاتوجد تعليقات