تاريخ الاضافة
الأربعاء، 25 أبريل 2007 09:49:44 ص بواسطة د. فوزى أبودنيا
0 946
حالــــــــــــــه
وشتان
مابين ايدك المرعوشة
والمنقوش على الوجدان
احلام بكرية مدفونه
ف ارض التوهه والاحزان
وصعب اقولك
ع اللى فى الضمير مكنون
وصعب اقولك
ع اللى جوه ف قلبى كله
...................وصعب يبان
ساعات.....!
قلبى يبقى طاقة نور
ادلك....!
وساعات
يكون ملان ضلمه
اضلك...!
ماتسئلنيش عن الحالة
تعبت كتير انا قواله
ولاحد.....
بيفهم قصدى والغاية
وهعمل ايه
مدام عمرى
ماهوش ماسك......
............بكرة بايدية
كدة كفاية
وكدة هسكت
واسيبك انتى للتوهان
تسجلى قصتى معاكى
وتفهمى قصدى والمقصود
كلام تايه ماليهش حدود
وسجلى عندك الحالة
على دفتر زمن مجهول
وكان مقهور
ولا تقولى دا مش معقول
ولاتبكى
ولاتدى الدموع للخد
خسارة تبلة بالتنهيدة والالغاز
ولاتدى ودانك حد
ولاتدى لقلبك راحة م الايام
سبيه يتعتب
عشان يقعد ف اخر السكة يستنانى لما ارجع
من التوهة
وم الدنيا
وم الاحزان
مسافر فيكى وانتى تسافرى جوايا
ولانوصل سوى لغايه
وسفرى طال على الاخر
ولاعارف
فيوم ارجع
لبحر عيونك المسكونه انس وجان
وموج هادر من الاحزن
ورود الخد دبلانه
وانا مش عارف اقطفهم من الاشواك
رضيتى ليه اكون تايه
ومش عايزه تورينى الطريق لهناك
هتفضل ايدك المرعوشة
ف قيد حديد على الشباك
وهفضل كاتم الاسرار
ف قبر السهد والنسيان
انا وانتى فطريق لكن
فوسط السكة نتفرق لالف مكان
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي946
لاتوجد تعليقات