تاريخ الاضافة
الأحد، 29 أبريل 2007 09:52:27 م بواسطة د. فوزى أبودنيا
0 4900
صباح الفل
صباح الفل يا انسان
صباح ابيض
صباح بمبى
صباح الحب من قلبى
وانا جايلك وفية عندى
امل وردى
وكل صباح لك عندى
صباح فرحة ف كل مكان
صباح الفل يانسان
*********
صباح بالندى مغسول
ملون عقد نوره زهور
كلامه وغناه معسول
بيداوى قلبنا المكسور
جميل ياصباح
ياشايل حلمنا افراح
ياشايل وردتى ف ايدك
يا شاغل عيدى من عيدك
وبحكيلك تغنيلى
وحافظ كل مواويلى
يانور عينى
ياشايل منى كل جراح
صباح الفل ياحلا صباح
**********
صباح ع الشط مستنى
صبية حلوه بتغى
كلام م القلب متحنى
بدم الحب والمواويل
وكل كلامها كان منى
يرد الصبح ع الموال بكام موال
بيحكلنا عن الحالة وع الاحوال
وياخد بعضه يقوم يرحل
ماهو واخد على الترحال
*************
غريب يازمان
محدش يوم يقوم قايم
ويلقا الصبح فيه دايم
دوام الصبح دومه محال
صباح ان دام ف اى مكان
يهد الدنيا والازمان
يوقف سيرة الاكوان
صباح اخضر ومتخضب
بخضرة حنه من شجرى
شاغلى العينى والننى
ويحلف كل مايفوتنى
لايجى بكرة ويزرنى
واقولو بكرة مستنى
يعدى كل يوم عندى
وياخد حتة من عمرى
***********
غريب ياصباح
غريب امرك غريب حالك
محيرنى ف احوالك
ساعات بالفل بتجينى
وساعات بالمر تالمنى
وساعات بالحضن بتاخدنى
وساعات ف نارى ترمينى
وساعات كتيرة تضحكنى
وساعات اكتر تبكينى
********
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي4900
لاتوجد تعليقات