تاريخ الاضافة
الأحد، 29 أبريل 2007 10:02:35 م بواسطة د. فوزى أبودنيا
0 931
صوت مدبوح
صوتى اندبح من كتر قوله اه
حمرة خجالنا ف وشنا مافيهاش حياه
صوتنا بقاش يقدر يجيب اخر مداه
حسرة قلوبنا ع الندى لما اترمى
كان صوتنا جايب للسما
كنا اما ننده ف الخلا
صوتنا يجيب ابعد مدى
يوصل لابعد م الفضا
مش بس صوتنا الى اندبح غدر وانين
على باب عذابك ياسنين
حتى رجولنا مننا متكبلين
متقطعين فينا الايدين
عصافير قلوبنا بيقتلوها ع الشجر
حتى ف سمانا بيسرقو ضى القمر
ليه يسرقو من كلمتى معنى الامل
حلمى اللى لسه بيتولد ليه انقتل
حق الحياه ليه ضيعوه
ليه يصلبوه ع المشنقة
وبيجلدوه ع المحرقة
ايه الى فاضلى بقى
اول ماخيط الفجر يطلع يقطعوه
اول خطوطى ع الورق ليه يمسحوه
اول خطاوى خطوتى ع الشوك رموه
اول كلامى بيمنعوه
اول سؤالى بيخرسوه
اول ولادى بيقتلوه
دمه كاسات بيفرقوه
وبيشربوه
على ارض قانا بيبدروه
ياكلمتى لفى ولفى ع السكون
وفتحى كل العيون
قبل لسانى ماينخرس
صوتى اللى طالع ليه خفوه
اودام عنيا بيدبحوه
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي931
لاتوجد تعليقات