إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
إلى روح محمد السقا شهيد مظاهرات تأييد انتفاضة الأقصى فى مدينة الإسكندرية |
**** |
يا قلب شاعر فى مسيرة الجامعة |
يا خدك حماس الشعر |
تهتف كأنك حى |
كل البلاد تسمعك |
ومصر مش سامعه |
مخنوقه بين ضلمتين |
وانت بتنزف ضى |
نص الوطن عسكر ونصه عبيد |
بتخبى روحك ليه تروح لبعيد |
دمك هدر يا محمد السقا |
هتفت للقدس ماحلمتش تجيب شقه |
عشان كده بتموت عشانها شهيد |
بتموت يا واد من غير ما تسأل حد |
بتموت ومتهيألك انك واخدها بجد |
مجاش فى بالك يا واد |
اسكندرية و رام الله تحت نفس الحصار؟ |
جيش الدفاع هوه فرق الأمن |
مافيش خجل ولا احساس قوى بالعار |
دم الشهيد لو للكرامه حن |
تتفك عقدتنا بأغنيه!! |