عناوين ونصوص القصائد   أسماء الشعراء 
شعراء العامية في العصر الحديث > مصر > صابر فرج > السابق واللاحق

مصر

مشاهدة
793

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

السابق واللاحق

السابق واللاحق
لما غويت الشقا
قالى الشقا حاسب
فقلت له الملتقى
يبين الغالب
ومشيت لى كام مشوار
خدل التعب زندى
ورجعت تانى الدار
بحلم أكون غاندى
ياضيعة الأحلام
فى عصرنا الحالى
دى العولمه قدام
وانا جوا موالى
انا عنخ توت ممقوت
لافف على كعابى
وخلودى بعد ما اموت
مرهون بأصحابى
ياصحبتى ياكرام
أنا جثتى بينكم
حاتوزعوها بكام
لو بيعها حا يفدكم
انا عضمتين دايبين
لكن تاريخى طويل
وبنيت لكم هرمين
واقفين حرس ع النيل
فهل بنايا سراب
والنيل خلاص امتد
وشربت الأغراب
كاس الشرف والمجد
وابنى اللى من ضهرى
كان السند والأيد
ودفعت فيه مهرى
باعنى فى سوق الغيد
ما بلومش غير روحى
ما انا بعتكم سابق
وانا كان على جروحى
فا جرحكم لاحق
ولاحد خالى الهموم
حتى الحصى فى الأرض
وبايه تفيد الهدوم
للى يبيع العرض
دول كلمتين شاهدين
على ضعفى وخمولى
وان كنتو مش عارفين
العرض من طولى
يبقى افحتوا قبوركم
وتعالوا ف جوارى
انا المسيح وانتم
بعتونى للشارى
صابر فرج
بواسطة: صابر فرج
التعديل بواسطة: صابر فرج
الإضافة: الجمعة 2007/05/04 03:53:49 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com