 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| إوعاك تحلم باللحمة |
| كفاياك وهم و تخاريف |
| واحجز في طابور العيش |
| يمكن نلقلنا رغيف |
| اوعاك تحلم بالتاكسي |
| وكفايه عليك الباص |
| وان كان ربنا بيحبك |
| تلقالك ميكرو باص |
| احمد ربك على العيشة |
| وخدلك نفسين و حشيشة |
| انسى الدنيا هتنساك |
| واتعرف بقى على الشيشة |
| طول مانتا في ايدك قوه |
| دوس بيها الناس يا شريف |
| أمال كان فكرك ليه |
| بتلاقي انسان ضعيف |
| طول ما انتا بتقدر تاخد |
| ليه تدي الناس يا خفيف |
| هيا الدنيا بتصطلنا |
| وهيا الدنيا تنسينا |
| من كتر الهم يابويا |
| بسمع النيل يواسينا |
| تواسينا ازاي هوا انتا |
| واخد حقك يا أخينا |
| شارب زيت ولا سبرتو |
| ومصانع أهه بتسقينا |
| هيجيلك يوم تتنظف |
| ولاهتفضل تأذينا |
| هوا احنا عشان بنحبك |
| ترجع تعمل كدا فينا |
| وبلدنا فيها نظام |
| نمشي كدا على الرصيف |
| يا حبيبي دا مش نظام |
| دا عشان سوء التصريف |
| بنحبك آه والله |
| ونحبك تبقى تمام |
| تفضل صاحي مش نايم |
| ومركز مش وهمان |
| هتلاقي بحور في السكة |
| ومجاري تنشف ريقك |
| وعشان أضمن صحيانك |
| هتلاقي حفر في طريقك |
| دي متاهه دي و عيشينها |
| والشاطر يسلك فيها |
| والشاطر الي بيسرق |
| وكأنه جاي يديها |
| صحصح يا موظف فتح |
| عطل في مصالح الناس |
| واتنرفز على الي يعتبك |
| قله اقعد هنا و اتلقح |
| عطل في مصالح الناس |
| طول مانتا مصالحك عاطلة |
| واتجرد من الاحساس |
| وخاف من الناس الواصلة |
| ليه الغلب تشوفه لوحدك |
| والفقر يعيش وياك |
| واتعلم تبقى أناني |
| والحقد يعيش جواك |
| فكرك كدا لما أنا باخد |
| حق الناس دي بظلمهم؟!! |
| دا انا ياما اتاخد حقي |
| ياما لسه هشوف أنا منهم |
| والرشوة اتسمت واسطة |
| واتسمت إكراميه |
| واتسمت يوم حلاوه |
| واتسمت يوم دخان |
| والكدب بقى ابيض كله |
| وسعات بتلاقي ألوان |
| والنصب بقى اسمو شطاره |
| والكون بقى مورستان |
| الأخ بيقتل أخوه |
| والإبن بيضرب أمه |
| علشان القرش بقلنا |
| أقرب من ابن لأبوه |
| وخلاص كدا اتطبعنا |
| والغلب رسم ملامحنا |
| ومحدش فايق يابني |
| يسأل نفسه مين احنا |
| لا عرفنا نداري خيبتنا |
| ولا جينا في علم برعنا |
| فالحين احنا نتباهى |
| ونقول أجدادنا فراعنه |
| آه منك آه يا بلادي |
| يوم فيكي الخير بينادي |
| وسنين الشر يعادي |
| آه منك آه يا بلادي |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
