عناوين ونصوص القصائد   أسماء الشعراء 
شعراء العامية في العصر الحديث > مصر > عبد الناصر حجازي > حوّا مش من طين و دم

مصر

مشاهدة
1489

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

حوّا مش من طين و دم

إتخبطت ف خطوتى،
ووقعت من سطح المتاهة
فانكسر لى ضلع كنت معشّمه ...
أعمل به حوّا
وحبّة الضحك اللى انا حوّشتهم ...
أتدلدقوا من قلبى ساعة ما انكفيت
وفضلت الملم نفسى من بين الحصا،
وارمى .. بحملى عالعصا،
واشعر بجوع بيعض روحى،
ودعوتى العاقر بتزعق فى السّما
لكن بدون ما المائدة
تنزل على .... قلبى الجعان
يمكن عشان ناقض وضوئى،
أو عشان سايب فى قلبى كام صنم .....
ذكرى ...... من الشّرك الاخير!
يمكن عشان سلّفت نفسى للطغاة،
وادّيت حواسى للعدم!
محتار .....
ومش عارف سبب ......
حزن السما منّى
وقرنى الحادى والعشرين بينكرنى،
ومش لاقى .. دليل واحد ..
على ... ملكيّتى لنفسى،
وراكب مركبى الكرتون
ومش قادر .. على النوّة
عشان ضلعى اللى كنت معشّمه ...
اعمله به حوّا ...
إنكسر،
وحبّة الضحك اللى أنا حوّشتهم ......
إتدلدقوا من قلبى ساعة ما انكفيت
عبد الناصر حجازي

من قصائد ديوان بنعيش بنص روح الصادر عن الهيئة العامة لقصور الثقافة بمصر
بواسطة: محمد أسامة
التعديل بواسطة: محمد أسامة
الإضافة: السبت 2007/06/02 05:55:24 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com