تاريخ الاضافة
الثلاثاء، 12 يونيو 2007 08:27:51 م بواسطة محمد فهد الطريسي
0 699
دروب الشوق
كانك تبين أحساس شاعرك يكتبـك
ويضفي على قلبك شعور السعـاده
هاتي يمينك بـددي اللـي معذبـك
بوصلٍ يبعثـر ليـل هـم النكـاده
كلي قصيدة عشق يا عيون معجبك
من صادق أحساسي وصافي وداده
يامهرتي وشلون الأوهـام تغلبـك
ودرب الوفا والعشق سامـي أراده
الشعر نهرٍ من سنا الشوق يشربك
وحس المشاعر نبض حبك مفـاده
في رحله أسفار العمر حس يطربك
أغلى الجواهر والدرر لك قـلاده
حزنك وهمك قيـد وهـمٍ يعذبـك
غفى وسط روحك وطـول رقـاده
ماأقبـل ظنونـك وكثـرة معاتبـك
وحبك سمأ بالحب قـول وريـاده
بين النجوم شعور شاعرك ترقبـك
ينقش على صدر العشق حب غاده
يامهرتي والشوق بحـرٍ لمغربـك
ساعر سنـا نـاره يفـوق الأراده
مافيه شيء يخلـي الوهـم يتعبـك
وصدق المشاعر نبض حبك وزاده
ماجيت متسول بشعـري إبكسبـك
يوم الرزايا الصمت عنهـا عبـاده
لاعاش منهو ياهوى القلب يغضبك
وحبك تسيد روح نبضي وقـاده..
إسم الشاعرإسم الكاتبالبلدإسم القسمالمشاهدات
محمد فهد الطريسيمحمد فهد الطريسيالبحرين☆ دواوين الأعضاء .. عامِّي699
لاتوجد تعليقات