تاريخ الاضافة
الثلاثاء، 10 يوليه 2007 09:03:12 ص بواسطة احساس انثى
1 1325
نصيحه منه تحتاج إلنصيحه
تنام أهل القلوبْ المستريحهْ
وأنا راحاتْ قلبي في عذابي
أرظّف ونّتي من ضيقْ صيحهْ
ومن همٍّ بقاصِِِِ الجوفْ غابي
نصيحهْ والنّبا منّك نصيحهْ
لكم يابوخليفهْ منتدابي
سخيّ النفس والرّوح السّميحهْ
عزيز الشّان مرفوع الجنابي
تعلاّ للنّجومْ المستشيحهْ
شعاعْ النّور ومزون السّحابي
أنا محتارْ في الدّنيا الشّحيحهْ
يهيمْ البوم فيها والغرابي
أرى يا سيّدي بعض الشّريحهْ
بطانة رمّةٍ تحتْ التّرابي
سريعٍ في المجاملْ والمديحهْ
كسوبٍ مستفيدٍ في الكآبي
نصيحهْ منه تحتاجْ إلنصيحهْ
كلامٍ مثل ضحضاح السّرابي
أخافْ الّلوم عذالي تبيحهْ
وأنا قلبي عن العذال يابي
ألا يا ليت من بيصيحْ صيحهْ
صداها ينسمع في كلّ نابي
سبوق الشّاردهْ منها طريحهْ
وباقيهن خمورٍ في المغابي
إذا من هبّ نسناس الصّبيحهْ
لفا من صوب ريّان الشّبابي
يزيد الشّوقْ في قلبي لفيحهْ
على ُبعدي وهمّي واغترابي


قصائد مهداة إلى صاحب السمو الشيخ زايد
إسم الشاعرالبلدإسم القسمالمشاهدات
محمد بن راشد آل مكتومالإمارات☆ شعراء العامية في العصر الحديث1325