إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
لا تجرح اللي كل عمره فدا لك |
ان ضقت يشكي معك من ضيق الانفاس |
وان كان موته في عيونك حلالك |
عجّل على فرقا الحزن واقطع الراس |
لكن تأكد وافهم العلم جالك |
أموت لكن ما وطت رجلي ادناس |
مد الكفوف اللي تحقق وصالك |
خل الردا للي غدا نبع الانجاس |
وارفق على اللي كل عمره حلالك |
لا تجزيه حزن ن وتمسي على ياس |
أصوم في بعدك وشفّي هلالك |
والعيد شوفك يابعد كل الأوناس |
وأموت بك واحيا بصفوة ظلالك |
يابو عيون ن تحتضن طفل الانعاس |
البدر من خدك خضع وانزوالك |
والخمر من فمّك سكر واسكر الكاس |
والموز غصنه هايم ن وانحنالك |
ودّه يوازن حنيت الزول بقياس |
ويوم انحنيت أوروّعه اعتدالك |
أمسى كسير وحاصد ن منك الافلاس |
حتى الحرير اللي لبست وحلالك |
أمست خيوطه فوق الامتان حراس |
وشلون أبلقى بالعذارى بدالك |
وبجيتك في جمعهن تضّرب أجراس |
انت الخطر وإلا الخطر من خيالك |
غديت لسهوم الخطر تقل نبراس |
وكن الثريا مغتنيها لحالك |
ومشككن انك لها مرجع وساس |
والطيب كنه غادي ن راس مالك |
ومن زود طيبك يضرب الخمس بأخماس |
كامل وربي مكملك في جمالك |
غالي ومنك مرتفع سعر الالماس |
لاهنت يعني روّق اليوم بالك |
يامنبع احساس القصايد والاحساس |
أسق الذي بخلاص قلبه وفالك |
لا تلبسه في ما وفا جرد الالباس |
شوف الحقيقه..؟ لا تطاوع خيالك |
ولا تكذب محبك وتتبع هوا الراس |