عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سعد مسهوج العلاطي > تكفى عشاني

السعودية

مشاهدة
927

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

تكفى عشاني

يمكن تحس اني مع البعد ناسيك
لكن تأكد .. ما نسيتك ثواني
لا مر طيفك قمت اهوجس واحاكيك
واشكي لى طيفك كثر ماهو شكاني
واتذكر اشيائك .. واردد اغانيك
وابكي اذا حسيت حظي رماني
واحمّل النسمات طيف ٍ يناجيك
واطلق مع ذكرااااك صهوة عناني
واحسّ تتسأل عن احوال مغليك
واجاوبك ..تذكر مكاني! مكاني!!
وتقول: لي وشفيك؟ واقول: وشفيك!
وشلون ما تبغى بعدها اعاااني!
وتقول: لي طيفي تركته يداريك
واقول: طيفك للمهالك حداني
وتقول: لي تبكي! وانا اللي موصيك
واقول: لك تبغى ازف ّ التهاني!!
صرت اتجرع مرّ من دون حاليك
واكتب على الفرقا قصيد واغاني
لا جيت ابكتب مدح لازم اطريك!
ولا جيت ابكتب حب مالحب هاني
صرت اكتب الفرقا بفحوة معانيك
واطلع مع فرقاي بأصدق معاني!
واسامر النجمة وانا اقول: لبيك
اسمع وحيك.. ولا اكذب اذاني
وانته بعيد ٍ ما وصلنا اراضيك
الا انك اقرب من صفوف المحاني
ولاجابو اسمك جيت كني معاديك!
عشان مسمع قول خلّي نساني!
والا انت وافي والوفا ما يخليك
والطيب بصلك ما خفاك وخفاني
لذا .. تصبّر والصبر في معاليك
يهون .. يوم ٍ قلت: تكفى عشاني!
سعد مسهوج العلاطي
التعديل بواسطة: سعد مسهوج العلاطي
الإضافة: السبت 2007/08/04 10:40:17 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com