عناوين ونصوص القصائد   أسماء الشعراء 
الشعراء الأعضاء .. عامِّي > مصر > سعيد شكرى > كرامة لسيدنا صلاح الدين

مصر

مشاهدة
1276

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

كرامة لسيدنا صلاح الدين

أنا حلم العمر المتزوق بجميع ألوان الطيف
نابت من أخر جزء ف قلبك لسه نضيف
أنا واحد من ناسك أنا إحساسك
أنا طوق لنجاتك وخلاصك ....
أناعاشق من ساسى لراسى ومش محتاج تعريف
علمنىهواكى أكون الجد بعينو ف وقت الجد
وعمرى ماكنت قليل الحيلة قصير اليد ..
من عزة نفسك إتعلمت إنى ارفع راسى
وعمرى ماطاطى وأخاف من حد
وإتعلمت إنى أمسك عمرى ف إيدى
كفن وسلاح
لكن طيب زى ولادك
طايع أمر ولى الأمر
وضايع ويا العمر
وفاكر إن ولى الأمر صلاح الدين...
وتمر سنين .......
وتجر سنين ......
وأنا فاكر إن الفجر هيطلع من حطين
وانا داير بغزل عشقى لطينك
أحلى قصايد فى الدواوين
فارد أملى ف بكرة الجاى
وفارش ضى الحلم ف قلبى وملو العين
من تسعة وخمسين سنة وأكتر
واقف على شباكى الشرقى
ويا صحابى و ناس تانيين
لجل ماشوف الفجر بيقتل
ليل متسمر ع الشبابيك
لجل ماأسمع صوت بيأذن
يللى سلاحك مستنيك
يلا الخطوة الجاية عليك
دينك.. دينك
قوم لجهادك ..إنصر دينك رد الدين
فجأة صحيت ووعيت ولقيت
جرحى الأكبر بقى جرحين
كنت أنا فين؟..
وكنتم فين؟..
حد يقولى ويفهمنى
كرامة لسيدنا صلاح الدين
كرامة لسيدنا صلاح الدين
سعيد شكرى
بواسطة: سعيد شكرى
التعديل بواسطة: سعيد شكرى
الإضافة: الأربعاء 2007/08/29 04:38:43 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com