تاريخ الاضافة
الأحد، 2 سبتمبر 2007 04:17:51 ص بواسطة أحمد العولقي
0 1068
سلوى عنوان المودّه
من أقاصي شرق شمسي . / لي مغارب بحر [ جدّه ]
جيـتك وحامل فؤاد ٍ ... يشتعل شوق لحبيبه
بعدما طوّل غيابه .. عن حبيب القلب ودّه
يعرف إن الحب باقي .! أو تلاشى من مغيـبه . ؟
قال : " يا قلبه طلبـتك لو يجي لك لا تردّه "
" عاشق .. و رغم إبتعادك عَنْه لا زلتي قريـبه
يالحبيبه : { إيـه أحبـك } .. { حُبْ } ما حبيـت قدّه
{ حُبْ } من قلبي ظهر لك ابشموخ وعِزْ وهيبه
{ حُبْ } توّه طفل يكبر .. / مابه أي شيّ ٍ يهدّه
{ حُبْ } باقي لو تجير أيامي وتصبح صعيبه
والمصيبه .. [ يالحبيبه ] غيرك .. الإحساس صَدّه
لين صارت كل خلق الله حوله هي غريبه ... !
" مثل ( قلبي ) .. لـو بيعشق في حياته ما يحدّه "
"عن غرامه .. غير عشقك هو يحدّه يالحبيبه "
إحْسِب أيام الغرام .. اللي تمنيّته وعدّه
وأبْشِر بعزّة فؤادك .. / بدفعه ضعف الضريبه
بس تكفى .. / يا فؤاده .. / لو أنا برخيه شدّه
حَبْل وصلك يا فؤاده لو يفارقني تجيبه
أدري .. تعشق نبض قلبي .. ودَمِّ محبوس ٍ بسدّه
وأدري .. / إنك لو بتعشق تعشقه ... / بحسنه وعيبه
[ شاعر ٍ] مفتون فيهـا .. --{ سلوى }-- .. عنوان المودّه
ولو تغيّب عن عيونه .. / فأشهدوا لحظه نـحـيــبه
ما يفارق قلبي خلّه ... / لو جميـع الناس ضدّه
ما يـِفـَارِق .. لـو تِـفـَارَقْ ... كـل واحد مع حبيـبه ...!
ما يساوي العمر كله ..! لو بعيش الـعـمـر بعده
وقلبي ، ؟ من بعد المحبّه .. موته يا ( سلوى ) نصيبه ..!
إسم الشاعرإسم الكاتبالبلدإسم القسمالمشاهدات
أحمد العولقيأحمد العولقياليمن☆ دواوين الأعضاء .. عامِّي1068
لاتوجد تعليقات