إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
البرد |
البرد مش بس رعشة وتكتكة |
البرد إنك ماتلقيش جنيك حبيب |
فى لحظة مشتكى |
الحر |
نظرة باشتعال الشمس |
من عين الحبيب |
زحمة قلوب صحرا |
ولسانك ورقة شجر |
أصفر من اللون اللى راسم خطوته |
فى شوارع المرجوف |
وشرايين الغريب |
تصرخ .......... غريق |
ولا واحد يجيب |
الجبن |
قلب .......... زى الكلب |
ينفض فروته بعد النزول فى المى |
هروبك زى أصحابك الخرفان |
من بعد قولة .......... حى |
الموت |
ايد بتمسك دوا .......... تبخل على عيان |
توب .......... خيوطه هوا |
بيلبسه عريان |
قلبى فى الحق يدق ع الفاضى |
ولما شر يندهه |
بيدق فى المليان |
الدنيا |
مدرسة |
مليانة بنى أدمين |
ناس بتكتب بالفصيح |
وناس م الشمال إلى اليمين |
وناس بتكتب |
على سطر الحياة ساعة |
وبتفوت سنين |
لكن من بين البشر |
مين انت |
انت .......... مين |
الفشل |
جرح ريقه كالحجر |
ترويه دوا مانفعش |
ورد بتزرعه فى الناس |
لكن للأسف ميافعش |
خير يرفرف ع القلوب |
لكن لآخر اليوم |
ميلتقيش ولا عش |
الخيانة |
توب .......... خيوطه كلمة أخ |
يدهولك بابتسامة |
وف كل فتلة .......... فخ |
الأرض |
حق من غير زور |
تديها بذرة ضحى |
تطرح شجرتك نور |
ولو بذرتك يأسك |
الطلع .......... شوك أو بور |