ثمان سنين في الغربة من أول لحظه كلمته | |
|
| همست بصوت متخجل..ترى غلطان في النمره |
|
ثمان سنين مخدوعه في قصة حب عايشته | |
|
| رسمته صوره في بالي وصوتن غرد بصدره |
|
يقول أختي أنا غلطان حسبت اللي توقعته | |
|
| أنا غلطان صدقيني..قبلت ابكل سعه عذره |
|
في ثاني يوم يرسل لي مسج لليوم ماشلته | |
|
| سطر يتعذر ابذوقه ونهاية شوق في سطره |
|
رسلت أول مسج مني..وقلت اللي انا قلته | |
|
| بعدها رن هالهاتف رفعته بذوقه منبهره |
|
يقول العذر بنت الناس إلين العذر عاشرته | |
|
| توالت قصة الاعذار وطالت مدة السهره |
|
على اللهفه وكل شوقي في جوف اعروقي سكرته | |
|
| تمر أيامي دون احساس ولا أشعر سوى سحره |
|
شهر شهرين يهمس لي أنا مشتاق وصبرته | |
|
| نفس شوقك يهج فيني ومسير الوقت يختصره |
|
غفلنا عن بدايتنا..طلب يلقاني مانعته | |
|
| بعدها قال معذوره ..أنا ببعد لجل بكره |
|
حرام أبقى وكل شوقي ثمان سنين مرمرته | |
|
| يا إما أبعد ابحزني أو أظفر لو بكم نظره |
|
من أعماق القلب فزيت دموعي سالت بسكته | |
|
| خلاص أبشر مدام الحل في كم نظره ولو مَرَه |
|
قبل يوم الوعد حسيت بحجم اللي انا صرته | |
|
| من أعذاره الى ذوقه الى شوقه الى مُره |
|
ثمان سنين ضعت بحس ورى الاسلاك سايرته | |
|
| متى أصحى من الغفله وأعلن صدي وأقتدره |
|
متى أنظر الى نفسي بديني حالي دمرته | |
|
| مبادئ ذاتي اتلاشت وشفت النفس منكسره |
|
ولاينفع بعد صوتي اذا اتنازلت انا وشفته | |
|
| صعب تتلملم بإتقان اذا انكسرت الجره |
|
بمان الله يا اذل الناس وحتى رقمي غيرته | |
|
| وحسافه عمري الضايع..ثمان سنين بالحسره |
|
لو أنك جاد في شوقك وفي الحب اللي طولته | |
|
| وش اللي يمنعك تطلب ايديني طول هالفتره؟؟ |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
