إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
الشمس غابت من سنين |
والبدر تاه |
حتى النجوم |
وقفت على باب السما |
تاخد عزاه |
والارض حبلت م الحداد |
والبحر خايف |
م السواد ليسيل عليه |
والجو نازل من عينيه |
بركان حمم |
يضرب تحيه للعلم |
ويدور يفرق فى العدم |
ع المعدومين |
* بقالناسنين |
هرم مقلوب |
تاريخ مغلوب على أمرُه |
وأ ُمَه للسقوط آيله |
وخيلة وهم كدابه |
وغابه والأسود دلاديل |
فى ديل القرد بنتبت |
لحد القيمه ما انكبت |
ونخل العزه بيطاطى |
يسيل الدم من تمرُه |
ومجد بيبكى على عمره |
عشان الحال صبح مقلوب |
يادوب نسمع |
ونجّمّع بواسطة التهليل |
ما بين الليل |
وبين الليل بنتكفى |
ونتخفى فى جحر العار |
وسِيبنا الدار |
يدور فينا على خندق |
بنتشد ق بإنا أهل |
وداء الجهل فى الجته |
وجوه العته عتينا |
ياريت ترجع |
حروب الرده تحيينا |
ما كنا سبوع فى وادينا |
بقينا فى الشقوق ساكنيين |
* بقالنا سنين |
مستسلمين |
ومسلمين للانهيار |
سواقى النار بتروينا |
وحوالينا الوجع إعصار |
رافعين شعارالصمت |
ورايات الخنا |
فى عنينا |
بتموت السنه ورا السنه |
واحنا فى قلب المحزنه |
واقفين ثبات |
بنولف المقامات |
ونغرق فى الغُنا |
ملعون ابوها العكننه |
طول عمرنا متعذبين |
* بقالنا سنين |
قاعدين بنستنى النهار |
والنهار صعبان عليه |
كل ما يحول يفَتَح |
السواد يقفل عينيه |
الليل طويل ومالوش حدود |
والفجرمش عارف يعود |
والشمس واقفه فى إنتظار |
الشرق يفتح للصباح |
والصباح محتاج يشوفنا |
با لكفاح متسلحين |
* بقالناسنين |
ما بين مدفون |
وبين مسجون |
وبين لاجئ فى علم الغيب |
كل طرفة عين نشيب |
من تراكيب المرار |
والدمارفارد قلوعه |
والحصارمارد مخيف |
لمَّا يبقى الزيف قاضينا |
والنفاق حارس علينا |
السلام هيلف بينا |
جوه بحرمن الآهات |
والغريب |
إن احنابرضه |
فى الآهات متفرقين |
* بقالنا سنين |
فاتحين كتاب الذكريات |
اللى فات نردم عليه |
واللى جاى نكسيه شموخ |
والتاريخ مليان كرامه |
والندامه حالها باين |
والكماين جوه فيتو |
بس هُس خلاص فينيتو |
بكره هيحطولنا كيتو |
واللى مش طايق يطق |
واللى مدايق يعبى |
والطبول ع الراس تدُق |
كل عام والظلم طايح |
والفضايح مستتبه |
والعزيمه يأس جامح |
والنصايح نص لبه |
واللى نادى واللى لبى |
فى الحقيقه ميتين |
*بقالنا سنين |
بين القنابل والرصاص |
عايشين بنحلم بالخلاص |
نايمين بنحلم |
حلم مش لاقى الدليل |
تايه فى سوق المستحيل |
واقف فى وسط العتمه |
مستنى القرار |
محتارمابين |
مص الشفايف والعويل |
شايف زهورالجيل بتفتل |
من دموعها حبال غسيل |
والشعوب بتشيل بلاها |
لماَ صبح الويل ويلين |
* بقالناسنين |
بنكتب ع الجبين العار |
بنمشى بس بالمندار |
وبوسنا الارض |
لما الذل دهوسنا |
وفى نفوسنا |
الخصام حمضان |
وأحضان المحبه شوك |
وبين شا كك |
وبين مشكوك |
ديوك والقهر كابسنا |
ولمَّأ الجهل جرّسنا |
كنسنا كل مساجدنا |
وشلشلنا وعدِدِنا |
وذودنا المبله طين |
* بقالنا سنين |
وعين العقل مش فينا |
ومش شايفين خطاوينا |
وحطينا |
ما بينا سدود |
وشمتنا الوجود فينا |
حفينا والصدا كلنا |
ودوخنا كتيرفى مشاكلنا |
ولماالنفط فشكلنا |
فشلنا قام وشنكلنا |
وشكلنا الهلا ك طوابير |
وبين خنزير |
وبين جنزير |
زفير الشر بيشوطنا |
ولماَ الحقد شلفطنا |
خبطنا دماغنا فى القوانين |
* بقالنا سنين |
حوار البؤس متواصل |
وبين الفصلهَ والفاصل |
مفاصل شملنا سابت |
وخابت صرخة الثوره |
عشان العوره معووره |
وجوه الصوره محروقين |
*بقالنا سنين |
بنشرب م العدم |
ترعه ورا ترعه |
ونشقا والعرق يطرح |
ويفتح للرخا ابواب |
وياما فى الجراب يابخت |
فسخت العقد |
والأجرهَ |
مهاجرهَ لِعِب أسيادنا |
وذوادنا ماهوش لينا |
وحوالينا الألم موال |
فى كل مجال بيشجينا |
لا شمينا عبير الخير |
ولا اللقطه بتلقطنا |
ولمَّا الفقر سيطنا |
نحتنا م الخجل تمثال |
مابين العجزوالأهمال |
بنتنطط |
وبنشقط لبعض العيب |
بقينا فى الحياه كراكيب |
لا لينا شنه ولا رنه |
وحنهَ اليأس مبادئنا |
ودَيقناَ السمع والشوف |
ووشوشناالكسوف يخرس |
لنتجرس من الإتيكيت |
وبيت الرعب يطلبنا |
وسَيِبنَّا الحرام يدخل |
من الشباك والمسقط |
ويتشعبط فى نزواته |
وذاته بتهدم الأوطان |
ميزان العقل ليه اختل؟ |
وليه الذل غرقنا |
حرقنا راية الأمه |
وخلينا الوجع وجعين؟؟ |
الإسماعيليه |