إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
دايماً الجموع مُتعبة |
كل واحد ملزوم ينفرد بواحد |
يطلّعم فى الباقيين عيوب الدنيا |
ولو مالقاش حد ينفرد بنفسه |
شرط لراحة الضمير |
النهاردة أنت مع مين؟ |
ضد مين؟ |
الست بتتخانق مع العربيات بحكمة شعرها الأبيض |
وبحنيه واخده جوزها تحت جناحها وبتعدى الشارع. |
لكل واحد الروح الطيبة |
اللى مابتتعاملش معاه على إنه لوحة نشان |
ممكن تكون قدام العين مستنيه تفتح |
كيس الشيبسى |
حجز لى روحى الطيبة |
ومارضيش يترمى على الأرض، |
طار |
قعد فوق عمود النور |
حط رجل على رجل |
ح أطلع للعمود اللّى قُصاده |
شايل معايا زمزميه متعبى فيها حكمتى المكبوته.. |
باستنى تحقيق قصيدةفى الطريق لتورتة الزفاف |
.. أسلى نفسى بتصليح عدسة نضارتى |
اللى بتتكسر قدام المواقف المستحيلة |
وأعمل مقص كبير وقلب جامد |
عشان أتخلّص من أي أسلاك شايكه |
تُقف في الطريق |