عناوين ونصوص القصائد   أسماء الشعراء 
الشعراء الأعضاء .. عامِّي > مصر > صالح الغازي > صاحبى الأخير

مصر

مشاهدة
704

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

صاحبى الأخير

ماشى كئنى با جرى
عالناصيه حيطه بشريه
متنحين للى بتعد كام واحد معجب بجسمها
شيزوفرينيا الجنس بتفوح .. تليخنى
مضطر أبعد وأنفض ودانى من إيحاءاتهم
الغرايز متسلطه عالبنى آدم حربايه
أطلع سلمه .. سلمه للدور العاشر
أنعى نهجانى و إجهاد مفاصلى
وأقعد على عتبه الباب
صحيح بتبسطينى دايما
لكن لما تزعلينى أو تتجاهلينى لحظه
باشنق رجليا ف السقف
وأهبد دماغي ف الجدران بتوعنا
طاخ .. طاخ .. طاخ .. طاخ
سرسبه الماية تكات الساعه
المطرب العاطفى متخشب بيحرك شفايفه مع بلاى باك
الناس نمل .. العربيات لعب
شارع الهرم مفرود و صريح زى لاعب كمال أجسام
الليل: الميكروباص اللى بينقل فرقه الموسيقا من كباريه لكباريه
... و ملاك نزل ببراشوت فرق عالناس تذاكر العرض المثير
والنبى يا عم هات واحده ..
صاحبى ... بزمتك كل دول مش مجانين؟
صاحبى الأخير
إتسرب فيا
نزع منى بريقى
كل التلفونات بترن
أرفع السماعه
وأتنقل ف الاسلاك
لحد ما أتبدد
وأبقى رماد .
صالح الغازي
بواسطة: صالح الغازي
التعديل بواسطة: صالح الغازي
الإضافة: الثلاثاء 2007/09/25 12:23:48 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com