يا قلب ما ودي معك تطوّل مشاويري | |
|
| ابختصر كلي معك من اول اللفه |
|
ما رقت حتى تبتدي غمي وتكديري | |
|
| تكفى تنحى والبلا عن خافقي كِفه |
|
يكفي من اسبابك تعثر خطوي وسيري | |
|
| يا ليت روحي من طعونك والهوى تشفه |
|
ما عدت في قلبي ترى الفي على غيري | |
|
| ارفع حمولك عن هواي ال آخر الضفه |
|
لأول تحول يا الهوى يومه رحل طيري | |
|
| رفرف لأعلاها السما والروح في خفه |
|
وانا اللي رمشي يحرسه من عالم امثيري | |
|
| احمله ما بيني واضمه حيل باللفه |
|
ياما على حضني ربا من عشقي وخيري | |
|
| و اخرها ياخذني غدر يصفعني ابكفه |
|
والحين وش راجع تبا يكفاك تدميري | |
|
| و لا تبي قلب العنا من جانبك يصفه |
|
يعني تخال ال شوفتك والروح تأثيري | |
|
| من بعد زلاتك انا عن محنتي اغفه |
|
سكرت بابي عنها اقسى تعابيري | |
|
| يومي نعتك باللذي ما يملك الرأفه |
|
وانا اقلك ضفها حسبي وتقديري | |
|
| يا شيخ كلك رجعتك محتاجه ال وقفه |
|
قولبتها ياما ولا لاقيت تفسيري | |
|
| يقنع جنوني ابردتك حتى ولو نصفه |
|
ربي رحمني من ردي هاذي مقاديري | |
|
| لو لي نصيبٍ في الهوى لو غاب ما يخفه |
|
يعني النتيجة يا زمن كِثرة مخاسيري | |
|
| لكن على ربي العوض يغمرني ابلطفه |
|