تاريخ الاضافة
الأحد، 28 أكتوبر 2007 11:10:34 ص بواسطة ماجد الزيد
0 588
غاروا علي القوم
غاروا علي القوم واشهرت صارمـي
على الذي يشهـر عليّـا بصارمـه
تركتهم من قبل حشمة هلن لهم
لكن اشوف القوم للشر غارمه
صبرت وصبري من طبوعي وشيمتي
كما بأن صبـري تواليـه ضارمـه
عرمرمي لـو سـال قشّـع بيوتهـم
ياويلهم من هـدرة السيـل عارمـه
ونـا بيمنـاي البحـور الوسيـعـة
وسبعة ظلم بالصـدر تلتـف بارمـه
علـى الطويـل وغارتـي بالهلالـي
بديتهـا واياتهـا السلـم حـارمـه
زمان ضرب السيف والرمح قد مضى
وجا للقلم وقتـه وبيـدي صيارمـه
فلولاي اخاف الله واحشـم مذاهبـي
خليـت احـدهم ثاكلاتـه محـارمـه
ضربتهم بالقاف والنون والبحر
بقيفان اخو خضراء ولاهي بهارمه
جديدهم عندي قديمن وما فتى
ونا قديمي بالجديدات جارمه
عسفت قافي لين روضت مخلبه
يشلق بكيفي من نويناه شارمه
سلمن على من سالم الدين والخلق
والي يتعداهن له الفين فارمه
شاون شلولن قافي شـاون شلولـن
صناجة الاعـراب عنـدي مخارمـه
خزوم حازم خـرم انف(ن)غـرورن
حرور كاوي يصطفق فـي معارمـه
مكـر مقـبـل لامفـر(ن)ولاهـرب
لاممعنن تفكيـر سبـك الخضارمـه
قاف(ن)وثيج(ن)ارج(ن)ناج حاسمـه
هواتف(ن)منهـا تقفـي جحـارمـه
عصيّ على غيري كما ليـث غابـن
وفي يدي يرضخ وهو في طخارمـه
لاطلقت قيفاني سـرت غيـر نادمـه
تحل في راس العـدو ليـن تارمـه
غضى الطويل ونابت(ن)شق كبده
ودمامثن من حول شدقيه وارمه
عدوّي لاحليت وادن وحس بي
مثل ارنب(ن)مرعوب ترقل خثارمه
قفيت عنهم واثـق القـول والخُطـا
غنضفر(ن)بحساب سبعـة ضبارمـه
مافات مات وحسّبوا لاتحاسبوا
يعف عنكم من تعالت مكارمه
إسم الشاعرإسم الكاتبالبلدإسم القسمالمشاهدات
ماجد الزيدمــــــاجد الزيدالسعودية☆ دواوين الأعضاء .. عامِّي588
لاتوجد تعليقات