تاريخ الاضافة
الثلاثاء، 30 أكتوبر 2007 08:14:34 م بواسطة أحمد العولقي
0 879
بعـزّة منهـو سوّاها
بلاني ما أمتنع عنْها وربّي بحبّها أبلاني
وكان أجمل بلا منّه ما دام القلب يهواها
بداخل قلبي تعلّت وهامت فوق شرياني
وشلتها مثلما أم ٍ تشيل الطفل بحشاها
حسبتها ليّه الجنّه واثاري قلبها الجاني
قدر يبخل بهالعشره ويقطع عنّي مَرْآها
قدر يتحمّل بعادي بيومه راح وخلاني
اموت وباقي فؤادي يترجّى لحظه يلقاها
أموت ودمعتي صارت بموتي ليّه أكفاني
أموت وقلبها ينظر لموتي آآه مقساها
تناظر لي وأنا مدفون بين تراب أحزاني
تناظرلي وأنا ماأقول غير الله لا يبلاها
ولا تعشق لها واحد يذكّرها بوجداني
ويتركها مثل ماهي تجافي قلب أغلاها
وأشوف الحب يتهدّم وأشوف بأم أعياني
كيف الله يردّ الدين يوم الدين ما جاها
سوى منّي ومن حبّي ومن ماضيَ وازماني
بيومي كنت كل بنت ٍ إذا بتجيني أجفاها
رغم جرح الفؤاد اللي بلحظه منّها جاني
ورغم كل الدموع اللي تِسِيْلِ لطاري فرقاها
بعزّة منهو سواها ونفسه منهو سوّاني
إذا جار الزمن تبقى مجرّد ذكرى منساها
أبيـك ليا قريت الشعر هالللحظات اذكرني .. !
إسم الشاعرإسم الكاتبالبلدإسم القسمالمشاهدات
أحمد العولقيأحمد العولقياليمن☆ دواوين الأعضاء .. عامِّي879
لاتوجد تعليقات