عناوين ونصوص القصائد   أسماء الشعراء 
الشعراء الأعضاء .. عامِّي > السعودية > ناصر الرياحي - عظيم الشوق > الصارخه

السعودية

مشاهدة
1598

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الصارخه

بصوتي
صباح الخير ياشمعة حياتي يافرح دنياي
صباح الخير ياحبٍ شغل معظم مساحاتي
صباح الخير يانور الوجود وسالفة مسراي
بليل من الوله عاشق يسوق الشوق خطواتي
حبيبي.. لي ثمان سنين واكثر شايلٍ بلواي
اشيل جروح حبك وانت ماتدري عن الذاتي
يقابلني خيالك لي ثمان سنين في هجعاي
ليا جيت المخده زارني طيفك ولا اباتي
انا قصة غرامي مابعد مرت على رواي
ولا قد شفتها مكتوبةٍ وسط المجلاتي
عجزت اوصل وليفي.. حدني من دونه الحداي
عوايد والعوايد ماتخان الا من الشاتي
وانا من روس قوم ولاتجي في الخايعات خطاي
ولي نفس عزيزه ماتحب اهل التلفاتي
وكل الخوف من خبلٍ بقلبه شايل بغضاي
يدور لي على الزله ويرصد لي زياراتي
والا مني ذكرت اسم الحبيبه ... يفرح الوشاي
ويدخل بيني وبين الحبيبه ناسٍ وشاتي
ابا اخفي قصة الحب الحقيقي عن جميع اعداي
واخليها وسطّ قلبي يسولفها على شفاتي
وابا اعلن سر واحد ..طايلٍ ممشاه في ممشاي
قدر ربي كذا .. اعيش في همي وحسراتي
ترى محبوبتي ماتدري اني لحبها شراي
وهذا مادمر حالي.. وسبب لي معاناتي!
الا ياليتها تدري.. وتمسح باليدين بكاي
الا ياليتها تدري.. وش اللي هل دمعاتي
الا ياليتها تقرى قصيدي وتعرف شكواي
تعاتبني واعاتبها بعدما هالزمن فاتي
الا ياليتها تمطر سحابة شوق في صحراي
تحاصرني ورود الحب ..من كل اتجاهاتي
رحلت بعيد ياخلي.. مابي اعيش في ذكراي
ولكن صورتك قدام عيني كل لحظاتي
وهاجوسي يسريني لهاك البيت رايح جاي
يسريني على خط العذاب بهمس وسكاتي
حبيبي.. كان تسمعني وتعرف يالغلا دعواي
ابي تسمع صدى صوتي ..ووناتي.. وصرخاتي
ابيك تحس في حبي.. ابيك تعيش في رجواي
مثل ماعشة في رجواك.. يا اغلا ابتساماتي
حقيقه واقعيه.. واعرفيها.. واقبلي لرضاي
على مر السنين مسطره باغلا ملفاتي
انا بعاهدك بالله ..لااموت ولا حكى الحكاي
ولا احدٍ يدري من انتي.. سوى رب السماواتي
وكان انك قريتي هالقصيده يافرح دنياي
إلك قلبي.. ولك حبي.. ولك اجمل تحياتي
ناصر الرياحي - عظيم الشوق
التعديل بواسطة: عظيم الشوق
الإضافة: الجمعة 2007/11/02 09:16:04 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com