تاريخ الاضافة
الجمعة، 2 نوفمبر 2007 08:16:45 م بواسطة L!Ly
0 1475
عيب العرب فيه
يارب حطوا كل عيب العرب فيـه
وانت الذي وحدك تعرف الحقيقـة
كـل الخفايـا والنوايـا وماضيـه
وشيطنة ضحكاته وشيطـان ضيقـه
طفلِ غريب استعذب الحزن والتيـه
ليـن الحـلا جامرطعمـه بريقـه
كانت وطن لاصدق قصايـد منافيـه
وماهو جست بـه خطوته:يستليقـه
أحيـان مايقصـد كلامـه ويعنيـه
شرع الأسيراللي حروفـه طليقـه
كان ال..يحسه يكتبه،كنت اجاريـه
أنسى السّنـه لعيـون خاطردقيقـه
والركب ضج من ارتكابـه مباديـه
كلٍ رمى مايشتهـي فـي طريقـه
بثلج الكلام السمج.. بلّـو محانيـه
ماحسّو ان احسـاس مثله:حريقـه
يمكن حسده فـلان وفـلان يرثيـه
وفلان شـاف انـه حكايـة عتيقـه
والبعض قالان الصدى ضعف اغانيه
وقضييتـه كانـت مجـرد وثيقـه
بسيط حد المهزلـه وانسطـح ليـه
والفـن تبسيـط الحيـاة العميـقـه
وجـوهٍ تحبـه ياغرابـه وتشنـيـه
ماتكرهـه لـو بعضهـا مايطقيـه
تزعـل اذا عيّـا خطاهـا يقـديـه
وتبي تصيران صار زهرة رحيقـه
ومثله معرّض لألف واحد يماشيـه
تحتار لو تبحث بهم عـن صديقـه
يارب عينه،حتى انا صـرت مابيـه
به مستحيل ارضي جميـع الخليقـة
إسم الشاعرإسم الكاتبالبلدإسم القسمالمشاهدات
سليمان المانعسليمان المانعالسعودية☆ دواوين الأعضاء .. عامِّي1475
لاتوجد تعليقات