إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
..وجودى.. |
أبوية قلى من زمان |
ياتعيش جبان ياتموت بطل |
قلت البطولة فى الحياة.. |
وإن ابقى عايش وسط كل الدوامات |
وأخلق فى فى وسط الضلمة لو طاقة أمل |
وما بين ضلوع المحتمل |
أغرز حقيقة لحلمنا |
لو حتى مش من حقنا حلم الخلود |
بس ابقى عايش لجل اموت |
صدقنى مش هبقى البطل.. |
قلى الحقيقة المؤلمة فى الكون بشر |
حدوتة كان فيها البطل قبلك هابيل |
والجبان هو اللى عاش |
قلت الحساب فى الكون مجاش |
قلى البشر هى البشر |
موهومة تخرج من شرايين القدر |
ومنين تروح الخطوة من فوق التراب؟ |
قلت هعيش قلى تموت |
قلت هعيش قلى تموت |
قلت هعيش قلى خلاص |
لو جوه سرداب الخلاص |
كان فى نبؤءة لأى واحد منكم |
صدقنى مش من حقكم فى الدنيا |
حق الاختيار |
وان كان نهار الملحمة |
بحدف شعاعه جوه أخر نسلكم |
مد النظر من بين زوايا الانكسار |
هتلاقى حتى الغربة غايبة عالطريق |
فإزاى تطيق فى الشمس عتمة لخطوتك؟ |
وان كان فى بند فى كلمتك إسمه الحدود.. |
قلت الوجود |
خلانى وسط الضلمة بلمح من بعيد |
نصى اللى تايه وسط ضل سنين كبيسه |
وفراغكم المحشور دسيسهفى قلب وهم |
أساسه هايش |
وان كنت عايش وسط دايرة وبين فصول |
فأبسط أصول المسئلة فى الدنيا |
حقى فى مذهبى.. |
قلى كلامك منطقى |
بس الفلاسفة اتحيروامابين قرار الاختيار |
بين كل اصنام الوطن |
أو حتى كلمة فى توب بدن تخلق مصير |
ومابين كتير |
عاشوا عشان الفكرة ماتوا فى حضنها |
والخطة كانت اصلها شباك حديد |
بس الجديد إن القوايم أوست |
والدين معشش فى الجدور |
قلت الغريبة فى طبعكم وجهة نظر |
ِعاشت مابين الكل قابلة للسقوط |
وحبالكم المفتولة موت |
مستنينينها بحجه تخلق طوق نجاة |
قلى الحياة مضمونها لحظى فى شرعكم |
واللى مبين جهلكم برده الحياه |
فزورة عاشت معضلة |
معدومة أو متزخنقة.. فى فتحة أمل |
من بين أساسات الهشيم |
قلت السنين قادرة تفسر حقها |
لو حتى كنا فى دمها عايشين رموز |
وان كنت هخسر أو هفوز |
لازم نوقع كلنافى صك الحياة |
بقانون أحادى.. |