إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
..مستفعلين.. |
مستنين |
مستوطنين |
على شق تفاحة اتردم |
وان اللى باقى من الخدم |
جابوهولنا وجبة خفيفة خالية من الدسم |
مع باقى عضم الديك |
مستكترين |
على جوفنا حبة جلد فى شوية مرق |
على حاجة تطلع فى العرق |
شايلة السموم |
او حاجة تصلب ضهرنا |
علشان نطول باقى النبأ |
مش كل حاجة بتتسبق |
متوجهة ف وش الرجوع |
بس الاكادة إن الشموع |
معمولة لجا الرهبنة |
علشان مانطلب م السما نقطة مطر |
بس الملايكة فى قصرهم |
بصوا علينا مبلمين |
متأزمين على كل ترنيمة ألم |
حلمى الجعان |
وانا كنت واقف وسطهم |
شاهد عيان شبعان سكات |
وإزاى أبات؟ |
وقصادى ناس مستكترين فيه السكوت |
مستخسرين حتى إنى أموت |
وساعتها روحى إستنظرت |
تهجينها بالامل الاخير |
فأخترت أكون فاعل لفعل إباحى |
خارج عن حدود العقل |
م العهد القديم |
ولا ابقى فعل يعيش مضارع |
وسط ناس مستفعلين |
مستهزئين بالفعل والمفعول |
ومشككين |
فى السايد المجهول |
والتين والزيتون |
حتى البلد الامين |
مستنين |
مستوطنين |
على شق تفاحة إتردم.. |