عناوين ونصوص القصائد   أسماء الشعراء 
شعراء العامية في العصر الحديث > الكويت > علي مساعد البغيلي > دنيا الوله

الكويت

مشاهدة
4971

إعجاب
4

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

دنيا الوله

لاتتهمني بالغدر والخيانه
اخون نفسي لو افكر اخونك . .
ما عاش من يرضا عليك الاهانه
ولا خير في عمرٍ اعيشه بدونك . .
انا مو ولهان انا . .
انا دنيا من الوله محتاجك ابيك
انا مو تعبان انا . .
انا دنيا من التعب راحتها بيديك
صدمتي غلطة وعدّت في سلام
يكفي علمني زماني
وانا ناقص حب ثاني انجرح منه واعاني . .
الله يرضالي عليك . .
غرك كلام الناس عني واتخليت
ولا انت ماصدقت تسمع اشاعه . .
مثلك يسامحني اذا بحقه اخطيت
عمر الشجر ماينكر جذور قاعه . .
والله وفيك الخير غبت وتماديت
ارخصت قلب لاجلك العمر باعه . .
كنك على همي وجرحي توصيت
اهنتك للنفس ماهي شجاعه . .
انا ماعندي كلام اقدر اقوله
همي مقدر اجمعه . .
دام قربك لي محال ولا أطوله
يكفي صوتك اسمعه . .
ناوي تطول بالسكوت
وأنا من اللهفه بموت . .
بعدك أكبر هم عشته في حياتي
وانا هذي حالتي عايش احاتي . .
***
بلا سبب تزعل وتجرح بالكلام
تقلب الدنيا على راسي وتروح . .
لا معك ينفع عتاب ولا ملام
وين اولي عن عذابك وين اروح . .
انت والدنيا يا خلي علي
وانت غير الناس عندي كل شئ . .
آه لو مره تبادلني الجنون
كل أخلي كل مابي لك شريك . .
لا لبسك الهم ماقصده يخون
ما ألومه كان هام وذاب فيك . .
ما ألومه جاك ولهان محزون
باع كل اللي وراه ومشتريك . .
قولي مافي خاطرك همك حنون
آهتك من شوقها لك تشتهيك . .
انت مشكلتي . . ومشكلتي ابيك
خل للعشره بعينك اعتبار . .
ضاعت ايامي . . وما تغلى عليك
انتظرتك لين مل الانتظار . .
يا أماني العمر في غيابك اضيع
مشتري قربك ولا فكرت ابيع . .
***
من يقول القلب مع غيرك سلا
يعلم الله مالك بقلبي شريك . .
لا تخاف الناس وعيون الملا
كان خايف لاتجي . . انا أجيك . .
ايه مشتاق يسبقني الغلا
يا كثر ما كنت ابيك وما ابيك . .
ودي اسمع من اشفاتك ياهلا
مشكله لا صار عمري في يديك . .
اهجر الدنيا واخليها علشانك
منهو يستاهل لاجل ياخذ مكانك . .
***
كل ماطالعت فعيونك اضيع
دارت الدنيا وصار الشرق غرب . .
منهو غيرك يشتري بقلبي ويبيع
خطوه بخطوه معاك كل درب . .
لو ألف الكون ما ألقى بدالك
العمر لو ضاع بيدينك حلالك . .
وانا ناقص حب ثاني انجرح منه واعاني
الله يرضالي عليك . .
علي مساعد البغيلي
بواسطة
المشرف العام
الإضافة: الجمعة 2007/12/14 11:00:08 مساءً
التعديل: الأربعاء 2022/08/17 11:39:34 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com